बीरगंज १४ माघ
लायन्स क्लव बीरगंज आदर्शनगर एण्ड वेस्टले आयोजना गरेको मिस स्नो हृवाइट कन्टेस्ट २०१२ को ताज कामाक्षी गुप्ताले पहिरिएकी छिन् ।
बालबालिकाहरुको प्रतिभा र ब्यक्तित्व बिकासको मुल उद्धेश्य बोकेर बीरगजको नगरसभा गृहमा आयोजना गरेको मिस स्नो हृवाइट कन्टेस्टमा कामाक्षीले आफना ३८ जना प्रतिस्पर्धीलाई उछिनेर ताज पहिरिन सफल भएकी हुन । मिस स्नो हृवाइट कन्टेस्ट २०१२ का बिजेता कामाक्षी गुप्तालाई पूर्व बिजेता अनमोल अग्रवालले ताज पहिराएकी थिईन । कन्टेस्टमा प्रथम रनरअप मिली श्रेष्ठ भइन भने सेकेण्ड रनर अपको ताज जानकी चौधरीले पहिरिन सफल भएकी छिन् । त्यसैगरी मिस ब्युटिफुल, मिस क्याटवाक, मिस टयालेन्ट, मिस फोटोजेनिक, मिस हेयर स्टाइल, मिस डिसिपिलिन र मिस वेस्ट रेस क्रमशः मेलिना पटेल, सीमो मानन्धर, स्वेता गुप्ता, स्मृती राय, सुर्रमई गुप्ता, श्रुती बारसिनी र मिस्टी चौधरी भएकी छिन् ।
कन्टेस्टमा टप टेन हुन सफल भएकी दस जनालाई एभरेष्ट बैंक लिमिटेडले आफनो बैंकमा खाता खोलेर एटिम कार्ड प्रदान गर्ने भएको छ । यसबाट बालिकाहरुमा बैंक सेवा र एटिएम सुविधाको बारेमा ज्ञान बढने बैंकका प्रतिनिधिले बताएको छ ।
लायन्स क्लवका डिष्टिक गभर्नर लायन राजकुमार श्रेष्ठ, हृवाइट हाउसकी प्रध्यापक श्रीमती रञ्जु खरेलर मिस तर्राई २०११ प्रशुन सिहले संयुक्त रुपमा निर्णायकको भुमिका निर्वाह गरेका थिए । लायन्स क्लव आफ बीरगंज आदर्शनगरका अध्यक्ष सुवोध गुप्ताको संयोजकत्वमा सम्पन्न मिस स्नो हवाइट कन्टेस्ट २०१२ मा नेपाल प्रहरीका प्रहरी उपरिक्षक रमेश खरेल, सशस्त्र प्रहरीका प्रहरी उपरिक्षक कृष्णभक्ता बम्हाचार्य, बीरगंज भन्सार कार्यालयका प्रमुख लाउन्ने ढकाल, बीरगंज उधोग बाणिज्य संघका अध्यक्ष अशोक टेमानी लगायतको उपस्थिती रहेको थियो । कार्यक्रमको संचालन लक्ष्मी खरेलले गरेकी थिईन ।