बीरगंज १२ माघ
पर्सा प्रहरीले पर्सा जिल्लाको गम्हरिया गाबिस ७ मा छापामारी गरी ठुलो परिमाणमा लागु औषध गाजा र गाजा बनाउने मेशिन बरामद गरेको छ ।
विशेष सुराकीले दिएको सूचनाको आधारमा प्रहरीले छापामारी गर्दा सो परिमाणको लागु औषध गाजा बरामद गरेको हो । प्रहरीले छापमारीको क्रममा हिरालाल साह कानु, किशोरीलाल साह कानु, रमेश साह कानु र अब्बास मियाको घरबाट करिव १५ क्विन्टल लागु औषध गाजा, ३ थान गाजा च्याप्ने मेशिन, दुइवटा भारतीय नम्त्रबरको मोटरसाइकल र तीन थान साइकल बरामद गरेको पर्साका प्रहरी उपरिक्षक रमेश खरेलले जानकारी दिएका छन् । बरामद भएको सामान थप अनुसन्धानको लागि जिल्ला प्रहरी कार्यालय पर्सामा ल्याई पुरयाएको प्रहरीले जनाएको छ ।
छापामारीकै क्रममा प्रहरीले अनुसन्धानको लागि स्थानीय बिजय साह कानुलाई नियन्त्रणमा लिएको पर्साका प्रहरी नायव उपरिक्ष्ँक रविन्द्र केसीले जनाएको छ ।