बीरगंज ११ माघ
वडा प्रहरी कार्यालय विर्ताले बीरगंजको महाविरस्थान नजिकबाट करिव १० लाख रुपैया बराबरको अवैद्य पान मसाला बरामद गरेको छ ।
विशेष सूचनाको आधारमा प्रहरी निरिक्षक सुजन जोशीको नेतृत्वमा गएको टोलीले महाविरस्थानस्थित संजिव गुप्ताको गोदाममा छापामारी गर्दा रकम बराबरको पान मसाला बरामद भएको हो । गुप्ताले विभिन्न समयमा भन्सार छली ल्याएर लुकाई राखेको अवस्थामा भारतीय पान मसाला बरामद भएको थियो । बरामद भएको पानमसालामा रजनिगन्धा, तुलसी र पानवहार गरी १७ कार्टुन रहेका प्रहरी निरिक्षक जोशीले बताएका छन् ।
बरामद भएको पानमसालाको अन्दाजी मुल्य करिव १० लाख रुपैया पर्ने प्रहरी निरिक्षक जोशीले जानकारी गराएका छन् । गोदाम संचालक भने पक्राउ नपरेको प्रहरी निरिक्षक जोशीले बताए ।