बीरगंज १२ माघ
भारतको ६३ औ गणतन्त्र दिवसको अवसरमा बीरगंजस्थित भारतीय महाबाणिज्य दुताबासले विविध कार्यक्रमको आयोजना गरी हर्षोउल्लासका साथ मनाएको छ ।
महाबाणिज्य दुताबास कार्यालयको आफनै प्रागंणमा आयोजना गरिएको गणतन्त्र दिवस समारोहमा बीरगंजस्थित महाबाणिज्य दुत आषुतोष अग्रवालले भारतको राष्टिय झण्डाको झण्डोत्तोलन गरेका थिए । अग्रवालले गणतन्त्र दिवसको अवसरमा भारतीय राष्टपति श्रीमती प्रतिभा पाटीलले आफनो राष्टको नाममा गरेको सम्बोधनलाई पढेर सुनाएका थिए । अग्रवालले भारतले आजैको दिनमा नया भारतको संविधान लेखेको सम्झना गर्दै, नेपाल पनि यतिवेला स्थायित्व, बहुदलीय, लोकतन्त्र, समावेशिता र समृद्धि सुनिश्चित गर्नको लागि नया संविधान लेख्ने महान ऐतिहासिक कार्यमा जुटेका नेपालीहरुलाई सफलताको शुभकामना दिएका थिए ।
गणतन्त्र दिवसको अवसरमा भारत सरकारको तर्फयस क्षेत्र अन्तर्गत रहेका विभिन्न संस्थालाई ५ थान एम्बुलेन्स प्रदान गरेको छ । गाडी प्राप्त गर्ने संस्थाहरुमा सर्लाही जिल्ला अस्पताल मलगंवा, नेपाल मुस्लिम समाज जनकपुर, धनुषा, बसामाडी उप स्वास्थ्य चौकी मकवानपुर, जितपुर उप स्वास्थ्य चौकी बारा र भारतीय भूतपूर्व सैनिक संघ पिठुवा चितवन रहेको छ ।
समारोहमा स्थानीय राजनीतिक दलका प्रतिनिधि, स्थानिय प्रहरी प्रशासन प्रमुख, उधोगी ब्यवसायी, स्थानीय सञ्चारकर्मीहरुको साथै यस क्षेत्रमा बसोबास गर्ने भारतीय नागरिकको पनि उल्लेखनिय उपस्थिती रहेको थियो । गणतन्त्र दिवसको अवसरमा बीरगंजस्थित दिल्ली पब्लिक स्कुल र डिएभी केडिया स्कुलका विद्यार्थीहरुले भारतीय राष्टिय गीत गाएका थिए ।