पर्सा जिल्लाको मतदाता नामावली अद्यावधिक गर्दै जिल्ला निर्वाचन कार्यालयले चालु आर्थिक वर्ष २०८१ को चैत मसान्तसम्मको विवरण सार्वजनिक गरेको छ। अद्यावधिक विवरणअनुसार हाल पर्सा जिल्लामा कूल ३ लाख ५१ हजार ६२८ जना मतदाता रहेका छन् ।
जिल्लाका १४ पालिकामध्ये सबैभन्दा धेरै मतदाता वीरगन्ज महानगरपालिकामा छन् । जिल्ला निर्वाचन कार्यालय पर्साकी प्रमुख अनामिका रौनियारका अनुसार वीरगन्जका ३२ वटै वडामा गरी कूल १ लाख ३२ हजार ३९३ मतदाता छन् । तीमध्ये ७५ हजार १६९ जना पुरुष, ५७ हजार २२० जना महिला र अन्य (समलिङ्गी तथा तेस्रो लिङ्गी) समुदायका ४ जना मतदाता छन् ।
अन्य पालिकामा रहेका मतदाताको संख्या यसप्रकार छः
पर्सागढी नगरपालिका — २२,९५१ , बहुदरमाई नगरपालिका — २४,९९३ , सखुवाप्रसौनी गाउँपालिका — २०,१४४ , पोखरिया नगरपालिका — २०,०४३
जगरनाथपुर गाउँपालिका — १८,६७२ , छिपहरमाई गाउँपालिका — १५,९७२ , विन्दवासिनी गाउँपालिका — १५,१८८ , ठोरी गाउँपालिका — १४,६७६
जिराभवानी गाउँपालिका — १४,२६४ , पटेर्वा सुगौली गाउँपालिका — १४,०३३ , कालिकामाई गाउँपालिका — १३,२८२ , पकहाँमैनपुर गाउँपालिका — १२,५९२ , कालिकामाई गाउँपालिका — १३,२८२ , धोबिनी गाउँपालिका — १२,४२५
निर्वाचन कार्यालयका अनुसार अद्यावधिक प्रक्रिया निरन्तर चलिरहेकाले मतदाताको विवरण समयानुसार परिवर्तन हुँदै जानेछ ।
