करोडौँ रुपैयाँ नगद, पुस्तौँदेखि जोडेको ७ बिघा जग्गा र लाखौँ मूल्यका गरगहना !
कुनै समय सम्पन्न परिवारका रूपमा रहेको वीरगञ्ज महानगरपालिका वडा नम्बर २२ का सीताराम राउत कुर्मीको परिवार अहिले आफ्नो सम्पत्ति गुमेको भन्दै न्यायको खोजीमा भौँतारिनुपरेको छ ।
परिवारको ६ करोड ४१ लाख रुपैयाँ नगद र ७ बिघा जग्गापछि २० लाख रुपैयाँभन्दा बढी मूल्यका गरगहना समेत ठगी भएको कुर्मीले आरोप लगाएका छन् । आफ्नै चिनजानका व्यक्तिहरूमाथि विश्वास गर्दा परिवारको वर्षौँको मेहनतबाट जोडिएको सम्पत्ति गुमाउनुपरेको उनको दुःखेसो छ । कुर्मीले घटनामा वीरगञ्ज महानगरपालिका वडा नम्बर २८ बगही इनर्वाका राजनारायण राउत र राजकुमार राउत सहित रिना पाण्डेको संलग्नता रहेको आरोप लगाएका छन् ।
कुर्मीका अनुसार परिवारसँग करिब ७ बिघा जग्गा र बैंक खातामा ६ करोड रुपैयाँभन्दा बढी रकम थियो । जग्गा बिक्रीबाट प्राप्त ६ करोड ४१ लाख रुपैयाँ माछापुच्छ्रे बैंक लिमिटेडमा जम्मा गरिएको थियो । तर बैंकमा ठूलो रकम जम्मा भएपछि विभिन्न व्यक्तिको मिलेमतोमा योजनाबद्ध रूपमा रकम तथा सम्पत्ति हिनामिना गरिएको उनको दाबी छ ।
उनले सुरुमा देव नारायण कुर्मी र त्यसपछि परिवारका अन्य सदस्यहरूसँगको सम्बन्ध तथा विश्वासलाई प्रयोग गर्दै इनर्वाका राजनारायण राउत र राजकुमार राउत सहित रिना पाण्डे मार्फत आर्थिक कारोबार र सम्पत्ति हिनामिना गरिएको आरोप लगाएका छन् । यसमा राजनारायण राउत र राजकुमार राउतले जग्गा आफ्नो तथा आफ्नो परिवारका सदस्यहरूको समेत भूमिका रहेको कुर्मीको दाबी छ ।
जग्गा र नगदपछि गरगहनामाथि पनि आँखा !
जग्गाधनी सीताराम राउन कुर्मीले गरेको पछिल्लो खुलासा अनुसार परिवारसँग रहेका २० लाख रुपैयाँभन्दा बढी मूल्यका सुनचाँदीका गरगहनासमेत गुमाउनुपरेको छ । उनका अनुसार जग्गा किनिदिने प्रलोभन देखाएर रिना पाण्डेले परिवारका बहुमूल्य गरगहना लगेको आरोप छ । उनले गरगहना सहित चेक समेत कटाएकाे अर्का प्रत्यक्षदर्शीले आरोप समेत लगाएका छन् ।
कुर्मीका लागि यो केवल आर्थिक क्षतिको विषय मात्र होइन, परिवारको विश्वास र वर्षौँको मेहनतसँग जोडिएको पीडासमेत हो । नगद, जग्गा र गरगहना गरी करोडौँ रुपैयाँ बराबरको सम्पत्ति गुमाउनुपरेपछि परिवार आर्थिक तथा मानसिक रूपमा समेत प्रभावित भएको उनको भनाइ छ । उनका अनुसार आफू र परिवारका सदस्यलाई समय मै सचेत गराउने तथा आर्थिक कारोबारमा अपनाउनुपर्ने सावधानीबारे जानकारी दिने व्यक्ति नहुँदा यस्तो अवस्था आएको हो । चिनजान र विश्वास कै आधारमा गरिएको व्यवहारले अन्ततः परिवारलाई ठूलो संकटमा पारेको उनले बताएका छन् ।
प्रहरीदेखि अदालतसम्म पुगेको विषय, तर न्याय नपाएको गुनासो
कुर्मीका अनुसार घटनाबारे प्रहरीमा उजुरी परेपछि ठगीसम्बन्धी मुद्दा जिल्ला अदालतसम्म पुगेको छ । तर मुद्दा अदालतमा पुगे पनि आफूले अपेक्षा गरे अनुसार उचित कारबाही र न्याय पाउन नसकेको उनको गुनासो छ ।
उनले घटनामा संलग्न रहेको आरोप लागेका व्यक्तिहरूमाथि निष्पक्ष अनुसन्धान गरी कानुनअनुसार कारबाही गर्न माग गरेका छन् । साथै, परिवारले गुमाएको नगद, जग्गा र गरगहना फिर्ता गराउन सम्बन्धित प्रहरी प्रशासन, न्यायिक निकाय तथा सरोकारवाला निकायसँग आग्रह गरेका छन् ।
वर्षौको कमाइ गुमेपछि न्याय कसले दिलाउने सीतारामको प्रश्न ?
आफ्नो परिवारले विश्वास गरेका व्यक्तिहरू कै कारण करोडौँ रुपैयाँ बराबरको सम्पत्ति गुमाउनुपरेको कुर्मीको आरोप छ । उनका अाफ्नतले समेत यसबारे खुलासा गरेका छन् । उनले समेत घटनाको सत्यतथ्य बाहिर ल्याई दोषीमाथि कानुनी कारबाही र पीडित परिवारलाई न्याय दिलाउनुपर्ने माग गरेका छन् ।
यता उक्त घटना बारे बुझ्दा राजकरण र राजकुमारले बाेल्न मानेका छैनन् । भने यसअघि वीरगंज सिटीमा प्रकाशित समाचारपछि उनि कार्यालयमा खण्डन गर्न आएकी थिइन् तर उनिसँगै नगद चेक कटाएकाे र गहना लिएका अर्का प्रत्यक्षदर्शी आएपछी उनि फरार भएकी थिइन् ।
त्यसपछि पटक पटक उनिसँग सम्पर्क गर्दा भने उनि हाम्राे सम्पर्कमा आएकी छैनन् ।
