रौतहटमा राष्ट्रिय स्वतन्त्र पार्टी (रास्वपा) का उम्मेदवारको स्टीकर टाँसिएको गाडीको ठक्करबाट चार वर्षीया बालिकाको मृत्यु भएको छ ।
जिल्लाको ईशनाथ नगरपालिकामा भएको दुर्घटनामा सोही नगरपालिका निवासी सागिर मोहम्मदकी चार वर्षीया छोरी अल्फा खातुन गम्भीर घाइते भएकी थिइन् । उपचारका क्रममा उनको मृत्यु भएको जिल्ला प्रहरी कार्यालय रौतहटले जनाएको छ ।
प्रहरीका अनुसार रास्वपा क्षेत्र नम्बर–२ का उम्मेदवार सेख सागिरको स्टीकर टाँसिएको बा १५ च ४२४४ नम्बरको गाडीले बाटोमा खेलिरहेकी बालिकालाई ठक्कर दिएको हो । रौतहटका प्रहरी प्रवक्ता डिएसपी विष्णुप्रदीप बस्यालका अनुसार दुर्घटनाका बेला गाडीमा उम्मेदवार स्वयं भने सवार थिएनन् ।
दुर्घटनापछि गम्भीर घाइते भएकी बालिकालाई तत्काल उपचारका लागि अस्पताल लगिएको भए पनि चिकित्सकले मृत घोषणा गरेका थिए ।
प्रहरीले ठक्कर दिने गाडीलाई नियन्त्रणमा लिएको र चालकको खोजी तीव्र रूपमा भइरहेको जनाएको छ । घटनाबारे थप अनुसन्धान भइरहेको पनि प्रहरीले जानकारी दिएको छ ।
बालिकाको असामयिक निधनले स्थानीय क्षेत्र शोकमा डुबेको छ । साथै, चुनावी प्रचारका क्रममा सवारी साधनको लापरवाहीप्रति गम्भीर प्रश्न उठेको छ ।
-Recovered@1x_1-1792306880.jpg){kind=logo}
-Recovered@1x_1-1792308710.jpg){kind=logo}
