वीरगंजस्थित ठाकुरराम बहुमुखी क्याम्पसको क्याम्पस प्रमुखमा सहप्राध्यापक डाक्टर केशव कुमार यादव नियुक्त भएका छन् ।
त्रिभुवन विश्वविद्यालयका उपकुलपति तथा कार्यकारी परिषद्का अध्यक्ष प्राध्यापक डाक्टर दपिक अर्यालले बुधबार डा. यादवलाई क्याम्पस प्रमुखमा नियुक्त गरेका हुन् ।
त्रिभुवन विश्वविद्यालय संगठन तथा शैक्षिक प्रशासन सम्बन्धी नियम २०५० अन्तर्गत परिच्छेद ५२ को नियम १८५ को उपनियम (२) बमोजिम त्रिवि कार्यकारी परिषदको चैत १७ गतेको बैठकले गरेको निर्णयअनुसार डा. यादवलाई चैत १८ गतेदेखि लागू हुने गरी उक्त पदमा नियुक्त गरिएको उपकुलपति प्रा. डा. अर्यालले जानकारी दिएका छन् ।
