महोत्तरीको बर्दिबास नगरपालिका क्षेत्रमा १४ जनाको मुआब्जा विवादका कारण पूर्व–पश्चिम रेल्वे निर्माण कार्य रोकिएको छ ।
भारत सरकारको सहयोगमा भारतको जयनगरदेखि महोत्तरी जिल्लाको भङ्गाहा नगरपालिकास्थित रेल्वे स्टेशनसम्म रेल सञ्चालनमा आएको छ। तर, बर्दिबाससम्मको खण्डमा मुआब्जा नपाउँदा निर्माण कार्य रोकेको हो । रेल्वे विभागका अनुसार चौध जनालाई रु सातदेखि आठ करोड मुआब्जा तिर्न बाँकी रहेको छ। विभागले रकम निकासा गर्न भौतिक पूर्वाधार तथा यातायात मन्त्रालयसँग अनुरोध गरेको छ ।
बर्दिबासका पीडितहरूले पटकपटक रेल विभागमा मुआब्जा मागेका थिए । मुआब्जा नपाएपछि उनीहरूले पहिले पनि काम रोक्ने चेतावनी दिएका थिए । विभागले सुनुवाई नगरेपछि अन्ततः पीडितहरूले बर्दिबासमा रेल्वे मार्गको निर्माण कार्य रोक्न बाध्य भएका हुन् ।
यस विवादले प्रभावित क्षेत्रमा रेल्वे निर्माणको प्रगतिमा ठूलो अवरोध सिर्जना गरेको छ ।
-Recovered@1x_1-1792306880.jpg){kind=logo}
-Recovered@1x_1-1792308710.jpg){kind=logo}
