सर्लाहीको बलरा नगरपालिका–४ स्थित रामसखी मोहित सिंह जनता माध्यमिक विद्यालयका निमित्त प्रधानाध्यापक वीरेन्द्र झालाई विद्यार्थीको समूहले अर्धनग्न बनाएर कुटपिट गरेको छ ।
गत शुक्रबार विद्यालयमा आयोजित सरसफाइ कार्यक्रममा प्रधानाध्यापक झाले छात्राहरूसँग असभ्य शब्द प्रयोग गरी गालीगलौज गरेको आरोप लगाउँदै विद्यार्थीले सोमबार दिउँसो विद्यालय हाताभित्रै उनलाई लछारपछार गर्दै कुटपिट गरेका हुन् ।
विद्यार्थीका अनुसार छात्रामाथि असभ्य शब्द प्रयोग गरेको भन्दै प्रधानाध्यापक झालाई माफी माग्न आग्रह गरिएको थियो । तर, उनले माफी माग्न अस्वीकार गरेपछि विद्यार्थीको समूहले कुटपिट गरेको उनीहरूको भनाइ छ ।
घटनाका क्रममा विद्यार्थीले प्रधानाध्यापक झाको निजी गाडीमा समेत तोडफोड गरी क्षति पुर्याएका छन् । बलरा नगरपालिका–४ निवासी झा हाल रौतहटको शिवनगरमा बस्दै आएका छन् ।
घटनापछि नेपाल–भारत सीमासँग नजिक रहेको विद्यालयको पठनपाठन प्रभावित भएको छ । विद्यालयमा कार्यरतमध्ये बलरा नगरपालिका बाहिरबाट आउने १०–१२ जना शिक्षकसमेत सोमबारको घटनापछि विद्यालय जान नसकेको प्रधानाध्यापक झाले बताएका छन् ।
सर्लाही प्रहरीले घटनामा संलग्न रहेको आरोपमा बलरा नगरपालिका–२ का २० वर्षीय अभिषेक कापडलाई नियन्त्रणमा लिएको छ । जिल्ला प्रहरी कार्यालय सर्लाहीका प्रवक्ता एवं प्रहरी नायब उपरीक्षक (डीएसपी) वेदप्रसाद गौतमले कापडलाई नियन्त्रणमा लिएर घटनाबारे अनुसन्धान भइरहेको जानकारी दिए ।
प्रधानाध्यापक झाले भने आफूले कुनै पनि छात्रामाथि असभ्य शब्द प्रयोग नगरेको दाबी गरेका छन् । उनले मंगलबार जिल्ला प्रहरी कार्यालय मलङ्गवा पुगेर प्रहरी उपरीक्षक (एसपी) रवीन्द्रनाथ पौडेललाई घटनाबारे जानकारी गराएका छन् ।
यसैबीच, घटनाबारे बलरा नगरपालिकाले छानबिन समिति गठन गरी सत्यतथ्य पत्ता लगाउने तयारी गरेको छ । बलरा नगरपालिकाका प्रमुख रामाशङ्करप्रसाद कुशवाहाले छानबिन समितिले दिएको प्रतिवेदनका आधारमा दोषीमाथि कारबाही अघि बढाइने बताए ।
विद्यालयको पठनपाठन प्रभावित भएपछि नगरप्रमुख कुशवाहा, शिक्षा अधिकृत तथा स्थानीय सुरक्षा अधिकारीसहितको टोली
-1788251187.jpg)
-1788077612.jpg)