नेपाली गायक तथा अभिनेता प्रकाश सपूतका पछिल्ला तस्बिर र उनको गेटअप नियाल्दा उनी बलिउड अभिनेता शाहरुख खानबाट प्रभावित देखिन्छन् ।
शाहरुख खानको जस्तै पहिरन, अनुहारको हाउभाउ र शरीरको चालढाल अपनाउने उनको प्रयास तस्बिरहरूमा झल्किन्छ। आखिर, आफ्नै पहिचान बनाइसकेका प्रकाश किन शाहरुख खानजस्तै देखिन खोजिरहेका छन्रु नेपाली संगीत क्षेत्रमा प्रकाश सपूतको आफ्नै छुट्टै पहिचान छ। ‘बोल माया’ र ‘गलबन्दी च्यातियो’ जस्ता गीतले उनलाई लोकप्रिय गायकका रूपमा स्थापित गरे। त्यसपछि ‘पीर’, ‘कुरा बुझ्नु पर्च’ र ‘बदला बरी लै’ जस्ता सिर्जनाले उनलाई प्रतिभाशाली गायक मात्र नभई सशक्त सर्जकका रूपमा पनि चिनाए। उनका गीतहरूले नेपाली संगीत बजारमा चर्चा र बहस दुवै सिर्जना गरे।
संगीतमा सफलता हासिल गरेपछि प्रकाशको यात्रा अभिनयतर्फ पनि अघि बढ्यो। उनी ‘पूर्णबहादुरको सारङ्गी’ र ‘परदेशी’ लगायतका फिल्ममा अभिनय गर्न पुगे। त्यतिमा मात्र सीमित नभई उनले आफ्नै ब्यानरमा फिल्म निर्माण तथा निर्देशन गर्दै आफैँ मुख्य भूमिकामा अभिनय गरेको फिल्म ‘बसन्त’ पनि दर्शकमाझ ल्याए ।
तर, ‘बसन्त’पछि उनको यात्राले फरक मोड लिएको देखियो। अभिनयसँगै उनी राजनीतिमा पनि प्रवेश गरे। राष्ट्रिय स्वतन्त्र पार्टी ९रास्वपा० सँग जोडिएर राजनीतिक यात्रामा अघि बढ्न खोजेका प्रकाशले त्यहाँ पनि आफ्नो अपेक्षाअनुसारको बाटो भेट्टाउन नसकेको आभास हुने गरी उनका गतिविधिहरू सार्वजनिक भए ।
केही समय संगीत, केही समय सिनेमा र केही समय राजनीतिमा सक्रिय रहेका प्रकाशको एउटा पक्ष भने बारम्बार चर्चामा आउने गरेको छ l शाहरुख खानप्रतिको उनको आकर्षण ।
उनका कतिपय तस्बिरमा शाहरुख खानको शैलीसँग मिल्दोजुल्दो पहिरन, गेटअप र हाउभाउ देखिन्छ। यो केवल फेसनको प्रभाव हो वा किशोरावस्थादेखि मनमा बसेको बलिउड मोहको निरन्तरतारु प्रश्न उठ्नु स्वाभाविक छ l
प्रकाश सपूत हुर्किएको समय नेपाली युवामाझ बलिउड चलचित्र र त्यहाँका कलाकारको प्रभाव बलियो थियो। शाहरुख खानजस्ता अभिनेताका फिल्म हेर्ने, पोस्टर भित्तामा टाँस्ने र उनीहरूको शैली नक्कल गर्ने पुस्तामा प्रकाश पनि पर्छन्। त्यसैले शाहरुखप्रतिको उनको आकर्षण पुरानै रहरको निरन्तरता हुन सक्ने अनुमान गर्न सकिन्छ ।
उनको फिल्म ‘बसन्त’मा समेत बलिउड शैलीप्रतिको आकर्षण झल्किने पक्षहरू देख्न सकिन्छ। यद्यपि, शाहरुख खानको शैलीसँग मिल्दोजुल्दो देखिनु संयोग हो वा सचेत प्रयास, यसको वास्तविक कारण भने प्रकाश स्वयंले नै स्पष्ट पार्न सक्छन्।
नेपाली संगीतमा आफ्नै नाम र पहिचान बनाइसकेका प्रकाश सपूतका लागि अरू कलाकारबाट प्रभावित हुनु अस्वाभाविक होइन। तर, आफ्नै सिर्जना र अभिनय क्षमताबाट स्थापित भइसकेको व्यक्तिले आफ्नो मौलिक शैलीलाई कति प्राथमिकता दिन्छन् भन्ने प्रश्न भने महत्त्वपूर्ण छ।
आखिर, प्रकाश सपूतलाई शाहरुख खानजस्तै बन्ने रहर अझै किन छरु कि उनी आफ्नै पहिचानभित्र बलिउडको छाया बोकेर अघि बढिरहेका छन्रु
