काठमाडौं । दसैँको शुभकामना पोस्टर बनाउन अब मोबाइल वा कम्प्युटरबाटै सकिने भएको छ । नेपाली ग्राफिक्स डिजाइन प्लेटफर्म अनेपाली डटकमले दसैँलाई लक्षित गर्दै १७ वटा टेम्प्लेट सार्वजनिक गरेको छ ।
पोस्टर बनाउन anepali.com मा गएर ‘Snap’ विकल्पभित्रको ‘Dashain’ छान्नुपर्छ। त्यसपछि आफूलाई मन परेको टेम्प्लेटमा नाम, फोटो र लोगो राखेर डिजाइन तयार गर्न तथा डाउनलोड गर्न सकिन्छ।
यस प्लेटफर्ममा नेपाली युनिकोड, प्रीति र एएमएसलगायतका फन्ट प्रयोग गर्न सकिन्छ । निःशुल्क योजनामा २५ वटासम्म डिजाइन सेभ गर्न र ५० वटासम्म फोटो अपलोड गर्न सकिने सुविधा छ। सशुल्क योजनामा प्रो टेम्प्लेट, उच्च रिजोलुसनमा डाउनलोड तथा थप सुविधाहरू उपलब्ध छन् ।
अकाउन्ट बनाएर डिजाइन सुरक्षित राखेपछि अर्को डिभाइसबाट पनि प्रयोग गर्न सकिने भएकाले सामाजिक सञ्जालमा दसैँको शुभकामना दिन चाहनेका लागि यो उपयोगी विकल्प हुन सक्छ ।
