हेटौंडा । मकवानपुरमा निर्माणाधीन काठमाडौं–तराईरमधेश द्रुतमार्ग ९फाष्ट ट्रयाक० मा लोडरको ठक्करबाट एक चिनियाँ नागरिकको मृत्यु भएको छ ।
मकवानपुरको भीमफेदी गाउँपालिका–८ महादेवटारस्थित द्रुतमार्गमा आइतबार दिउँसो करिब २ बजे दुर्घटना भएको हो ।
दुर्घटनामा चाइना रेलवे नम्बर–२ इन्जिनियरिङ ग्रुप कम्पनी लिमिटेडको तर्फबाट सुपरभाइजरका रूपमा कार्यरत चिनियाँ नागरिक ५१ वर्षीय गुओ फाङशुनको मृत्यु भएको जिल्ला प्रहरी कार्यालय मकवानपुरले जानकारी दिएको छ ।
प्रहरी नायब उपरीक्षक माधव काफ्लेकाअनुसार काम गर्ने क्रममा कञ्चनपुरको शुक्लाफाँटा नगरपालिका–१ घर भएका ४८ वर्षीय गौरसिंह साउदले चलाएको लोडरको पछाडिको चक्काले गुओलाई ठक्कर दिएको थियो । गम्भीर घाइते भएका उनको घटनास्थलमै मृत्यु भएको हो ।
गुओ सन् २०२६ फेब्रुअरी १५ देखि उक्त कम्पनीमा सुपरभाइजरका रूपमा कार्यरत रहेको प्रहरीले जनाएको छ । घटनापछि प्रहरीले घटनास्थलको मुचुल्कालगायतका प्रारम्भिक कानुनी प्रक्रिया पूरा गरी शव परीक्षणका लागि काठमाडौंस्थित त्रिभुवन विश्वविद्यालय शिक्षण अस्पताल महाराजगञ्जको शवगृहमा राखेको छ । घटनाबारे थप अनुसन्धान भइरहेको प्रहरीले जनाएको छ ।
-Recovered@1x_1-1792306880.jpg){kind=logo}
-Recovered@1x_1-1792308710.jpg){kind=logo}
