बाढी, पहिरो तथा अन्य प्राकृतिक विपदबाट प्रभावित नागरिकको राहत तथा उद्धारका लागि वीरगंजस्थित सर्बोत्तम अस्पताल एन्ड रिसर्च सेन्टर प्रालिले १ लाख ५१ हजार रुपैयाँ सहयोग गरेको छ ।
अस्पतालले प्रधानमन्त्री दैवी प्रकोप उद्धार कोषका लागि १ लाख ५१ हजार रुपैयाँको चेक (पर्सा क्षेत्र नं. १ का सांसद हरि पन्त (बुद्धि)) लाई हस्तान्तरण गरेको हो । अस्पताल परिसरमा आयोजित चेक हस्तान्तरण कार्यक्रममा अस्पतालका प्रशासन प्रमुख सञ्जिव कुमार गुप्ता लगायत अस्पतालका चिकित्सक, कर्मचारी तथा प्रतिनिधिहरूको उपस्थिति रहेको थियो। अस्पतालका तर्फबाट प्रशासन प्रमुख गुप्तालगायतले सांसद पन्तलाई उक्त रकमको चेक हस्तान्तरण गरेका हुन् ।
देशका विभिन्न स्थानमा पछिल्लो समय बाढी, पहिरो तथा वर्षाजन्य विपद्का कारण ठूलो जनधनको क्षति भइरहेका बेला पीडित नागरिकको राहत, उद्धार तथा पुनःस्थापनामा सहयोग पुर्याउने उद्देश्यले अस्पतालले उक्त रकम प्रदान गरेको हो । अस्पतालले विपद्को समयमा आफ्नो सामाजिक उत्तरदायित्व निर्वाह गर्दै सरकारको राहत कोषमार्फत प्रभावित नागरिकसम्म सहयोग पुर्याउने प्रयास गरेको जनाएको छ ।
चेक बुझ्दै सांसद पन्तले विपद्को समयमा निजी क्षेत्र, स्वास्थ्य संस्था तथा विभिन्न संघसंस्थाले देखाएको सहयोग र सामाजिक उत्तरदायित्वले पीडित नागरिकलाई राहत पुर्याउन महत्वपूर्ण भूमिका खेल्ने बताएका छन् । उनले विपद् प्रभावितको राहत तथा पुनःस्थापनाका लागि सबै क्षेत्रबाट सक्दो सहयोग आवश्यक रहेको उल्लेख गर्दै सर्बोत्तम अस्पतालले गरेको सहयोगप्रति धन्यवाद व्यक्त गरेका छन् ।
सर्बोत्तम अस्पतालले स्वास्थ्य सेवा प्रदान गर्नुका साथै सामाजिक उत्तरदायित्वअन्तर्गत विपद् तथा संकटका समयमा सहयोग गर्दै आएको र आगामी दिनमा पनि आवश्यकता अनुसार सहयोगलाई निरन्तरता दिने प्रतिबद्धता जनाएको छ ।
-Recovered@1x_1-1792306880.jpg){kind=logo}
-Recovered@1x_1-1792308710.jpg){kind=logo}
