काठमाडौं । साउदी अरेबियाले भारत, पाकिस्तान र बंगलादेशसहित १४ देशका नागरिकमाथि अस्थायी रूपमा उमराह, व्यापार भ्रमण र पारिवारिक भ्रमण भिसामा प्रतिबन्ध लगाएको छ । अन्तर्राष्ट्रिय सञ्चारमाध्यमका अनुसार, अनधिकृत रूपमा साउदीमा बस्न र हजमा सहभागिता जनाउने घटनाका कारण साउदीले यो निर्णय गरेको हो ।
प्रतिबन्ध लगाइएका मुलुकहरूमा भारत, पाकिस्तान, बंगलादेशका साथै इथियोपिया, अल्जेरिया, इन्डोनेसिया, इराक, जोर्डन, नाइजेरिया, इजिप्ट, सुडान, ट्युनिसिया, यमन र मोरोक्को छन् ।
साउदी अरेबियाका अधिकारीहरूले यो कदम हजमा हुने अनियन्त्रित भिडलाई नियन्त्रणमा राख्नको लागि चालिएको बताए । यस प्रतिबन्धको अवधि आगामी जुन महिनासम्म रहने छ । सन् २०२४ मा हज कार्यक्रममा १२ सयभन्दा धेरै व्यक्तिहरूको ज्यान गुमाएको थियो, जसमा धेरैजसो अनधिकृत तीर्थयात्री थिए ।
-Recovered@1x_1-1792306880.jpg){kind=logo}
-Recovered@1x_1-1792308710.jpg){kind=logo}
