वीरगंज - राष्ट्रिय स्वतन्त्र पार्टी (रास्वपा) का पूर्व गृहमन्त्री तथा केन्द्रीय सभापति रवि लामिछानेको पक्राउको विरोधमा आज वीरगंजमा सरकारको शवयात्रा जुलुस निकालिएको छ ।
रास्वपा पर्सा जिल्ला समिति द्वारा क्लासिक ब्याङ्क्वेटबाट सुरु गरिएको शवयात्रा जुलुसले नगरकाे विभिन्न परिक्रमा गरी घण्टाघरमा पुगेर कोणसभामा परिणत भएको थियो । जुलुस घण्टाघर पुगेपछि प्रहरीले हस्तक्षेप गर्दै शव खोसेका थिए ।
राजनीतिक प्रतिशोध साध्न राज्य शक्तिको दुरुपयोग गर्दै लामिछानेलाई पक्राउ गरिएको भन्दै तत्काल रिहाइको माग राख्दै शवयात्रा निकालिएको रास्वपा पर्सा जिल्ला सभापति हरि पन्तले बताए ।
कोणसभामा केन्द्रीय सदस्य डा. नन्दन यादव, पूर्व संयोजक दिलीप कुर्मी, क्षेत्रीय सभापति जितेन्द्र मिश्र, फैयाज मियाँ, पालिका सभापति चन्दन गुप्ता लगायतले मन्तव्य राखेका थिए । कोणसभाको सहजीकरण प्रमोद राय माजीले गरेका थिए ।
जुलुसमा प्रदेश सदस्य तुलशा अधिकारी, सुदिश प्रजापति, सब्बु कंडेल, पुरषोत्तम उपाध्याय, पालिका सभापति माधव बस्नेत, प्रदीप पटेल, दीपराज पटेल, मुर्ली जलान, माइकल सापकोटा लगायतका नेता तथा कार्यकर्ताको उपस्थिति रहेको थियो ।
