बाराको जीतपुर सिमरा उपमहानगरपालिका–९ स्थित नारायणी स्पार्क प्रालिमा क्रेनमार्फत फलाम उठाउने क्रममा एकजना मजदुरको ज्यान गएको छ ।
बुधबार राति भएको घटनामा भारतको उत्तर प्रदेश राज्य अन्तर्गत बलियाको ननौराका ५३ वर्षीय रामभवन यादवको मृत्यु भएको हो । ईलाका प्रहरी कार्यालय सिमराका अनुसार यादव सो उद्योगमा क्रेन अपरेटरको रूपमा कार्यरत थिए ।
फलाम उठाउने क्रममा क्रेनबाट फलाम उनको टाउकोमा लाग्दा गम्भीर घाइते भएका यादवलाई उपचारका लागि वीरगन्जस्थित नारायणी अस्पताल लगिएको थियो। तर, उपचारको क्रममा उनको ज्यान गएको प्रहरीले जनाएको छ ।
