पृथ्वी जयन्ती र राष्ट्रिय एकता दिवसको अवसरमा बारामा नेपाली सेनाद्वारा बृहत् सरसफाइ कार्यक्रम

स्थानीय

Home
स्थानीय
पृथ्वी जयन्ती र राष्ट्रिय एकता दिवसको अवसरमा बारामा नेपाली सेनाद्वारा बृहत् सरसफाइ कार्यक्रम

पृथ्वी जयन्ती र राष्ट्रिय एकता दिवसको अवसरमा बारामा नेपाली सेनाद्वारा बृहत् सरसफाइ कार्यक्रम

पुष २७ गते मनाइने पृथ्वी जयन्ती तथा राष्ट्रिय एकता दिवसको अवसरलाई मध्यनजर गर्दै बारामा नेपाली सेनाले बृहत् सरसफाइ कार्यक्रम सम्पन्न गरेको छ ।

नेपाली सेनाको रिपुमर्दन गण बाराको आयोजनामा कलैया उपमहानगरपालिकाका विभिन्न सार्वजनिक स्थानहरूमा सरसफाइ गरिएको हो । गणको टोलीले सिद्धेश्वर मन्दिर परिसर, भरत चौक तथा प्रादेशिक अस्पताल कलैयामा बृहत् सरसफाइ अभियान सञ्चालन गरेको थियो ।

धार्मिक, व्यावसायिक र स्वास्थ्य सेवासँग सम्बन्धित महत्वपूर्ण क्षेत्रलाई केन्द्रमा राखी गरिएको सरसफाइले स्थानीय वातावरण स्वच्छ राख्न सहयोग पुगेको छ । गणपति अशोक क्षेत्रीका अनुसार पृथ्वी जयन्ती तथा राष्ट्रिय एकता दिवसको अवसर पारेर सोमबार उक्त सरसफाइ कार्यक्रम आयोजना गरिएको हो ।

गणपति क्षेत्रीले भने, “राष्ट्र, समाज र नागरिकप्रति उत्तरदायी हुँदै सार्वजनिक स्थानको संरक्षण र सरसफाइमा नेपाली सेना सधैं अग्रसर रहँदै आएको छ ।” नेपाली सेनाको यस पहललाई स्थानीयवासीहरूले सकारात्मक रूपमा स्वागत गरेका छन् ।

सरसफाइ अभियानले न केवल सार्वजनिक स्थानको सौन्दर्य बढाएको छ, यसले समुदायमा स्वच्छता र नागरिक उत्तरदायित्वको सन्देश प्रवाह गर्न समेत महत्वपूर्ण भूमिका खेलेको छ ।

प्रकाशित मिति: सोमबार, पुस २१, २०८२ ११:५५