फागुन २१ गते हुने प्रतिनिधिसभा निर्वाचनका लागि नेकपा एमाले बाराले प्रत्यक्षतर्फ २८ जनाको नाम सिफारिस गरेको छ । सिफारिसमा परेकामध्ये केही नेताहरू ११ औँ महाधिवेशनबाट निर्वाचित वा पराजित भएका छन् भने केही हाल प्रदेशसभा सदस्यसमेत रहेका छन् ।
जिल्ला अध्यक्ष अद्यानन्द पाण्डेका अनुसार चारवटा संघीय निर्वाचन क्षेत्र रहेको बारामा निर्वाचन क्षेत्र अनुसार सिफारिस यसप्रकार छ:
निर्वाचन क्षेत्र नं १ : ७ जना
निर्वाचन क्षेत्र नं २ : ८ जना
निर्वाचन क्षेत्र नं ३ : ३ जना
निर्वाचन क्षेत्र नं ४ : ३ जना
त्यसैगरी, निर्वाचन क्षेत्र नतोकी थप ७ जनासहित कुल २८ जनाको नाम सिफारिस गरिएको छ ।
निर्वाचन क्षेत्र अनुसार सिफारिस भएका उम्मेदवारहरू
निर्वाचन क्षेत्र नं १
अच्युत मैनाली, पुरुषोत्तम पौडेल, धनमाया चौधरी, थानेश्वर सापकोटा, पुरन चौधरी, सुदामादेवी राम, त्रिलोकी चौधरी
निर्वाचन क्षेत्र नं २
बलवीर चौधरी, अमरदेवप्रसाद यादव, मखन पासवान, सत्यपाल यादव, राजेशप्रसाद साह, कौशलकिशोर सिंह, गौरीशंकरप्रसाद यादव, महपतिया देवी दुसाद
निर्वाचन क्षेत्र नं ३
अद्यानन्द पाण्डे, एम. समिउल्लाह, सीमा ठकुरी
निर्वाचन क्षेत्र नं ४
अमरदेव यादव, कृष्णकुमार श्रेष्ठ, सीता गुरुङ
निर्वाचन क्षेत्र नतोकी
ज्वालाकुमारी साह, गायत्री देवी, सीता सुवेदी, टिना सुवेदी, प्रतिमा यादव, रविन्द्र दास बनियाँ, फुलेना राउत अहिर
विशेषतः, पटक–पटक मन्त्री बनेकी र निर्वाचन क्षेत्र नं ३ बाट यसअघि निर्वाचित ज्वालाकुमारी साहको नाम सिफारिसमा नआएपछि सचिवालयको सुझावमा क्षेत्र नतोकीको सिफारिस गरिएको हो । अध्यक्ष केपी शर्मा ओली निकट मानिने उनी ११ औँ महाधिवेशनबाट केन्द्रीय सदस्य निर्वाचित थिइन् ।
