प्रधानमन्त्री बालेन्द्र शाह (बालेन) को पुर्ख्यौली गाउँ महोत्तरीको एकडारा गाउँपालिकामा उनको नियुक्तिको अवसरमा खुशीयाली मनाइएको छ ।
राष्ट्रिय स्वतन्त्र पार्टी (रास्वपा) का वरिष्ठ नेता समेत रहेका शाह प्रधानमन्त्रीमा नियुक्त भएपछि स्थानीयहरूले दीपावली गर्दै उत्सव मनाएका हुन् । गाउँमा मिठाई बाँड्नुका साथै पटाका पड्काएर खुशीयाली व्यक्त गरिएको छ ।
मधेसी समुदायको प्रतिनिधित्व गर्दै आफ्नो गाउँकै व्यक्ति मुलुकको सर्वोच्च कार्यकारी पदमा पुगेपछि स्थानीयहरूमा गर्व र उत्साह झल्किएको छ ।
स्थानीयहरूका अनुसार बालेन्द्र शाहको परिवारसँग लामो समयदेखि सम्बन्ध रहँदै आएको छ । उनीहरू बालेनलाई सरल, इमानदार र सहयोगी स्वभावका व्यक्ति भएको बताउँछन् ।
प्रधानमन्त्री शाहले शुक्रबार राष्ट्रपति रामचन्द्र पौडेलसमक्ष पद तथा गोपनीयताको शपथ ग्रहण गर्नुभएको थियो ।
