जनकपुरधाम । धनुषाको मिथिला नगरपालिका–ढल्केवरस्थित एक होटलमा एक युवती मृत अवस्थामा फेला परेकी छन् । जेनिसा विक (२३), पोखरा महानगरपालिका–१३ मियापाटन निवासी, जुन तारा स्टापलाइन होटलमा मृत भेटिएकी हुन् ।
इलाका प्रहरी कार्यालय ढल्केवर का अनुसार आज बिहान करिब ११ बजे उक्त होटलमा युवती मृत अवस्थामा रहेको सूचना प्राप्त भएको थियो । उनी सोही होटलमा कार्यरत थिइन् ।
प्रहरीका अनुसार बिहान करिब साढे ८ बजे उनी आफ्नी आमा सीता विकसँग होटल पुगेकी थिइन् । केहीबेरपछि होटलको काउन्टरनजिकै लडेको अवस्थामा उनी मृत फेला परेकी थिइन् । प्रहरी निरीक्षक लक्ष्मण केसीका अनुसार घटनाको कारण हालसम्म खुलेको छैन ।
शवलाई पोस्टमार्टमका लागि बर्दिबास अस्पताल पठाइएको छ। घटनाबारे थप अनुसन्धान भइरहेको प्रहरीले जनाएको छ ।
