भारत उत्तर प्रदेश को रामपुर जिल्लाको कोतवाली सिभिल लाइन्स क्षेत्रमा श्रीमानले श्रीमतीको हत्या गरेको घटना सार्वजनिक भएको छ ।
प्रहरीका अनुसार एक शिक्षिकाको शव आफ्नै घरको ओछ्यानमा नग्न अवस्थामा फेला परेको हो । प्रारम्भिक अनुसन्धानबाट शारीरिक सम्बन्धका क्रममा भएको विवादपछि श्रीमानले घाँटी थिचेर हत्या गरेको खुल्न आएको छ ।
घटनाअनुसार पति–पत्नीबीच यौन सम्बन्ध भइरहेको बेला केही विषयमा विवाद सुरु भएको थियो । विवाद चर्किँदै जाँदा श्रीमान रिसाए र श्रीमतीको घाँटी थिचेर हत्या गरेका थिए । घटना पछि उनी डराएर फरार भएका थिए भने शवलाई सोही अवस्थामा छोडेर घरको ढोका बन्द गरेका थिए ।
घर लामो समयसम्म बन्द देखिएपछि स्थानीयको सूचनामा प्रहरी घटनास्थल पुगेको थियो । ढोका खोलेर हेर्दा ओछ्यानमा नग्न अवस्थामा शव फेला परेको प्रहरीले जनाएको छ । शवलाई पोस्टमार्टमका लागि पठाइएको छ ।
प्रहरीले प्रारम्भिक अनुसन्धानमा हत्या भएको पुष्टि गरेपछि थप छानबिन अघि बढाएको थियो । पक्राउ परेका श्रीमानले सुरुमा अपराध अस्वीकार गरे पनि पछि सोधपुछका क्रममा हत्या स्वीकार गरेका छन् ।
मृतकका परिवारले भने श्रीमान र उनका भाइले लामो समयदेखि दहेजको नाममा मानसिक तथा शारीरिक यातना दिँदै आएको आरोप लगाएका छन् । परिवारले यसअघि पनि उजुरी दिएको तर त्यसलाई बेवास्ता गरिएको दाबी गरेको छ ।
रामपुरका अतिरिक्त प्रहरी अधीक्षक अनुराग सिंहले शिक्षिकाको शव फेला परेपछि तत्काल कारबाही गरिएको र पोस्टमार्टमपछि परिवारको निवेदनका आधारमा दहेज मृत्यु सम्बन्धी मुद्दा दर्ता गरिएको जानकारी दिए । आरोपी श्रीमानलाई पक्राउ गरी जेल पठाइएको छ ।
घटनाले स्थानीय क्षेत्रमा त्रास र चर्चा बढाएको छ । प्रहरीले घटनाबारे थप अनुसन्धान जारी रहेको जनाएको छ ।
