पर्सा जिल्लामा लागु औषध नियन्त्रण अभियानअन्तर्गत प्रहरीले खैरो हिरोइन जस्तो देखिने पदार्थसहित दुई जनालाई नियन्त्रणमा लिएको छ ।
जिल्ला प्रहरी कार्यालय पर्साका अनुसार विशेष सूचनाका आधारमा खटिएको प्रहरी टोलीले उनीहरूलाई पक्राउ गरेको हो ।
प्रहरीले उनीहरूको साथबाट करिब ६०० मिलिग्राम खैरो हिरोइन जस्तो देखिने पदार्थ बरामद गरेको जनाएको छ । प्रारम्भिक अनुसन्धानअनुसार पक्राउ परेकाहरू लागु औषध ओसारपसार तथा वितरण कार्यमा संलग्न रहेको आशंका गरिएको छ ।
पक्राउ परेका व्यक्तिहरूको पहिचान हालसम्म सार्वजनिक गरिएको छैन। उनीहरूमाथि लागु औषध सम्बन्धी कसुरमा थप अनुसन्धान अघि बढाइएको जिल्ला प्रहरी कार्यालय पर्साले जनाएको छ ।
