पथलैया–अमलेखगन्ज सडकखण्डमा वन्यजन्तु सुरक्षित गर्न २ ओभरपास निर्माणको प्रस्ताव

स्थानीय

Home
स्थानीय
पथलैया–अमलेखगन्ज सडकखण्डमा वन्यजन्तु सुरक्षित गर्न २ ओभरपास निर्माणको प्रस्ताव

पथलैया–अमलेखगन्ज सडकखण्डमा वन्यजन्तु सुरक्षित गर्न २ ओभरपास निर्माणको प्रस्ताव

पर्सा राष्ट्रिय निकुञ्ज अन्तर्गत पर्ने त्रिभुवन राजपथको पथलैया–अमलेखगन्ज सडकखण्डमा वन्यजन्तुको आवागमन सुरक्षित बनाउन कम्तीमा दुई वटा ओभरपास निर्माण गर्न सुझाव दिइएको छ ।

निकुञ्जका संरक्षण तथा सूचना अधिकृत सन्तोषकुमार भगत का अनुसार सडक विभागले त्रिभुवन राजपथको उक्त खण्ड विस्तार गर्ने तयारी गरिरहेको छ । विस्तार अघि निकुञ्ज प्रशासन, नेपाली सेना तथा स्थानीय बासिन्दासहित सरोकारवालासँग सुझाव मागिएको र सोही क्रममा निकुञ्जले ओभरपास निर्माणको प्रस्ताव अघि सारेको हो ।

निकुञ्ज प्रशासनले त्रिभुवन राजपथको पथलैयादेखि अमलेखगन्जसम्म करिब ८ किलोमिटर क्षेत्र वन्यजन्तुका लागि अति संवेदनशील रहेको जनाएको छ । यस क्षेत्रमा वन्यजन्तुको क्षति न्यूनीकरण गर्न वन्यजन्तुमैत्री पूर्वाधार आवश्यक रहेको निकुञ्जको भनाइ छ ।

सूचना अधिकृत भगतका अनुसार, “सरकारी नीति अनुसार पनि वन तथा निकुञ्ज क्षेत्रमा पूर्वाधार निर्माण गर्दा वन्यजन्तुमैत्री संरचना निर्माण गर्नुपर्ने व्यवस्था छ । त्यसैले कम्तीमा दुई वटा ओभरपास निर्माण गर्न सुझाव दिइएको हो ।”

उक्त सडक खण्डमा विशेषगरी जंगली हात्तीहरूको परम्परागत पदमार्ग रहेको छ । हात्तीको समूहले बर्सेनि आफ्नै पुरानो मार्ग प्रयोग गर्दै यात्रा गर्ने गर्छन् । साउन र भदौ महिनामा हात्तीको समूह राजमार्ग पार गर्ने क्रममा सवारी साधनसँग जोखिम बढ्ने भएकाले मानव–वन्यजन्तु दुवै पक्षलाई सुरक्षित बनाउन ओभरपास आवश्यक रहेको निकुञ्जले जनाएको छ ।

सरोकारवालाहरूका अनुसार ओभरपास निर्माण भएपछि वन्यजन्तुको प्राकृतिक आवागमन सुरक्षित हुने मात्र नभई सडक दुर्घटनाको जोखिम पनि उल्लेखनीय रूपमा कम हुनेछ ।

<h2 style="text-align: justify;"><a href="https://www.youtube.com/@Birgunjcityofcl"><strong>भिडियाे सामाग्री</strong></a></h2>

प्रकाशित मिति: सोमबार, वैशाख २८, २०८३ १६:०५