कुटपिट मुद्दामा अदालतले तोकेको जरिवाना नतिरेका पर्साको पकाहामैनपुर गाउँपालिकाका पूर्व अध्यक्ष विजयकुमार चौरसियालाई प्रहरीले पक्राउ गरेको छ ।
प्रहरीका अनुसार विशेष सूचनाको आधारमा वडा प्रहरी कार्यालय श्रीपुरबाट खटिएको प्रहरी टोलीले चौरसियालाई वीरगञ्ज महानगरपालिका–१३ राधेमाईस्थित अदालत नजिकबाट नियन्त्रणमा लिएको हो । चौरसियाविरुद्ध कुटपिट मुद्दामा उच्च अदालत जनकपुर, अस्थायी इजलास वीरगञ्जले १० हजार रुपैयाँ जरिवाना गर्ने फैसला गरेको थियो । अदालतको फैसला कार्यान्वयन गर्ने क्रममा उनले जरिवाना नतिरेपछि पक्राउ गरिएको प्रहरीले जनाएको छ ।
यस विषयमा वडा प्रहरी कार्यालय श्रीपुरका प्रमुखले पक्राउ परेका चौरसियामाथि आवश्यक कानुनी प्रक्रिया पूरा गरी अदालतमा उपस्थित गराइने जानकारी दिएका छन् ।
प्रहरीका अनुसार अदालतको फैसला कार्यान्वयन तथा आवश्यक अनुसन्धानका लागि चौरसियालाई नियन्त्रणमा लिइएको हो ।
