सप्तरी । सप्तरीको हनुमाननगर कंकालिनी नगरपालिका–८ जोगिनियास्थित खेतबाट प्रहरीले करिब ३०२ किलो गाँजासहित एक जनालाई पक्राउ गरेको छ ।
पक्राउ पर्नेमा हनुमाननगर कंकालिनी नगरपालिका–७ मुखिया टोल निवासी ५३ वर्षीय माधुरी मुखिया रहेका छन् ।
इलाका प्रहरी कार्यालय हनुमाननगरबाट खटिएको प्रहरी टोलीले शनिबार दिउँसो १२ वटा बोरामा राखिएको करिब ३०२ किलो लागुऔषध गाँजासहित उनलाई नियन्त्रणमा लिएको हो ।
घटनासम्बन्धी थप अनुसन्धान भइरहेको प्रहरीले जनाएको छ ।
