प्रहरीले बीरगंजबाट २० लाख ९० हजार ४१० रुपैयाँ बराबरका भन्सार छली गरी चोरी पैठारी गरिएका सामान बरामद गरेको छ ।
बीरगंज महानगरपालिका–१६ स्थित रजतजयन्ती चोकबाट मंगलबार भन्सार छली गरेर भित्र्याइएका विभिन्न मालवस्तु बरामद गरिएको जिल्ला प्रहरी कार्यालय पर्साले जनाएको छ ।
प्रहरीका अनुसार बरामद गरिएका सामानमा सर्टिङ–सुटिङका कपडा, महिलाका कुर्ता–सुरुवाल, बालबालिकाका विभिन्न प्रकारका कपडा तथा खाद्यान्नलगायतका सामग्री रहेका छन् ।
जिल्ला प्रहरी कार्यालय पर्साका प्रहरी नायब उपरीक्षक चक्रबहादुर मल्लका अनुसार बरामद गरिएका सामान आवश्यक कारबाहीका लागि वीरगन्ज भन्सार कार्यालय पर्सामा बुझाइएको छ ।
सीमावर्ती क्षेत्रमा भन्सार छली गरी सामान भित्र्याउने गतिविधि नियन्त्रण गर्ने क्रममा प्रहरीले उक्त सामान बरामद गरेको हो ।
