तराई हस्पिटलमा चिकित्सकको लापरबाहीले एक महिलाको मृत्यु भएको छ ।
बाराको बारागढी गाउँपालिका वडा नम्बर १ बुद्धगाई निवासी ४० वर्षीय नसिरा खातुनको बचदानी र एपेन्डिक्सको अप्रेसनमा भएको लापरबाहीले बिरामीको मृत्यु भएको हो । मङ्गलबार बिहान भर्ना भएका खातुनको सोही राति डा. तरन्नुम खातुनले अप्रेसन गरेकी थिइन् । अप्रेसन गरेको समयदेखि नै होस्मा नआई उनको मृत्यु भएको परिवारजनले जनाएको छ ।
अप्रेसनको क्रममा चिकित्सकको लापरबाहीले महिलाको मृत्यु भएको भन्दै उनका परिवारजनले छानविनको माग गरेको छ । मृतक नसिरा खातुनकी श्रीमान् साहमहम्मद अन्सारीका अनुसार मङ्गलबार बिहान भर्ना भइ साँझ अप्रेसनका लागी लगेको उनलाई बेहोस गरेदेखि होस्मा नआएको उनले बताए ।
बच्चादानी र एपेन्डिक्सको अप्रेसन कुनै ठुलो अप्रेसन होइनन् सबैसँग हाँसीखुसी अप्रेसनका लागी लगिएको श्रीमतीको होस् आएन । डा. तरन्नुम खातुनले गरेको अप्रेसनमा उनी आफैले कुनैबेला १२ घण्टामा होसमा आउने, त कुनैबेला २४ घण्टामा होसमा आउने भन्दै टार्दै बिरामी बेहोस गरेदेखि होस्मा नआएको मृतक नसिरा खातुनकी श्रीमान् साहमहम्मद अन्सारीले बताए । उनका अनुसार डा. रोशन कुर्मीले पुनः चेकजाँच गरेपनि श्रीमती होसमा आइनन् ।
अन्सारीका अनुसार अप्रेसनको क्रममा भएको लापरवाही र एनेस्थेसियाका बेला भएको लापरवाहीले यस्तो हुन सकेको काठमाडौँ बाँसवारी स्थती न्युरो हस्पिटलका चिकित्सकहरूले बताएको उनका श्रीमान साहमहम्मद अन्सारीले बताए । उनका अनुसार चिकित्सकहरूका अनुसार अप्रेसन गरेको बेला ब्रेनमा अक्सिजन नपुग्ने, हर्ट पम्पिङ कम हुने भएकाले भेन्टिलेटरमा काठमाडौँ लागेपनि बिरामी बचाउन नसकेको उनका परिवारजनले प्रतिक्रिया दिएका छन् ।
पेटभित्र ठुलो आन्द्राको पहिलो भागमा रहेको औला आकारको एक मसिनो आन्द्रा ‘एपेन्डिक्स’ हुने गर्दछ। त्यसको अप्रेसन र बच्चादानीकाे अप्रेसन आधुनिक युगमा उति कम्पीकेटेड हैनन् तर समान्य ठानिएको अप्रेसन तराई हस्पिटलको लापरबाहीले श्रीमतीको ज्यान लिएको मृतकका परिवारजनले आरोप लगाएका छन् ।
यस विषयमा तराई हस्पिटलका चिकित्सक डा. रोसन कुर्मीलाई उनको मोबाईल नम्बर ९८५५०२***० मा फोन सम्पर्क गर्दा फोन उठेन सकेको छैन् ।
