पर्सा प्रहरीले लागुऔषधसहित चार जनालाई पक्राउ गरेको छ । जिल्ला प्रहरी कार्यालय पर्साका प्रवक्ता तथा प्रहरी नायब उपरीक्षक हरि बहादुर बस्नेतले आज प्रेस विज्ञप्ति जारी गर्दै लागुऔषध सेवनकर्ता खोजी एवं सुधार महाअभियानअन्तर्गत उनीहरूलाई पक्राउ गरिएको जानकारी दिएका हुन् ।
उनका अनुसार वीरगञ्ज महानगरपालिका–१६ स्थित शंकराचार्य गेट चेक प्वाइन्टमा भारतबाट नेपालतर्फ आउने पैदलयात्री तथा सवारीसाधनमाथि चेकजाँच गर्ने क्रममा लागुऔषध बरामद गरिएको हो ।
पक्राउ पर्नेमा २६ वर्षीय पैयाल अन्सारी र ३४ वर्षीय संजय साह रहेका छन् । उनीहरूको साथबाट ०.१० मिलिग्राम खैरो हिरोइन र ४ ग्राम चरेस बरामद भएको प्रहरीले जनाएको छ ।
त्यसैगरी, थप जाँचका क्रममा संजय साहकै साथबाट ३ ग्राम ४२ मिलिग्राम खैरो हिरोइन बरामद गरिएको प्रवक्ता बस्नेतले जानकारी दिए । यस्तै, सोही अभियानअन्तर्गत २१ वर्षीय विशाल यादवलाई ०.४३ मिलिग्राम खैरो हिरोइनसहित पक्राउ गरिएको प्रहरीले जनाएको छ ।
पक्राउ परेका चारै जनामाथि लागुऔषध नियन्त्रण ऐनअन्तर्गत आवश्यक अनुसन्धान भइरहेको जिल्ला प्रहरी कार्यालय पर्साले जनाएको छ ।
-Recovered@1x_1-1792306880.jpg){kind=logo}
-Recovered@1x_1-1792308710.jpg){kind=logo}
