सिरहाको बरियारपट्टीबाट हराएका ३ वर्षीय बालक अभियान्स यादव मृत अवस्थामा फेला परेका छन् ।
बालकको शव स्थानीय पोखरीमा फेला परेको हो । प्रहरीका अनुसार शवमा गम्भीर चोटपटक देखिएको छ भने हातखुट्टा काटिएको अवस्थामा शव फेला परेकाले घटनालाई शंकास्पद मानिएको छ ।
मृतक सिरहाको लक्ष्मीपुर पतारी गाउँपालिका–३ लबटोली निवासी भोगेन्द्र प्रसाद यादवका ३ वर्षीय छोरा अभियान्स यादव हुन् । उनी आफ्नी आमा अमृत यादवसँग बरियारपट्टी गाउँपालिका–४ सोहपुर गएका बेला हराएका थिए । परिवारले खोजी गर्दा बालक फेला नपरेपछि साँझ इलाका प्रहरी कार्यालय बरियारपट्टीमा जानकारी गराएका थिए । त्यसपछि इलाका प्रहरी कार्यालय लक्ष्मीपुरका प्रहरी नायब निरीक्षक ज्योति प्रकाश कार्कीको नेतृत्वमा खटिएको टोलीले खोजी कार्य सुरु गरेको थियो । खोजीका क्रममा बालकको शव स्थानीय पोखरीमा फेला परेको प्रहरीले जनाएको छ ।
सिरहा प्रहरीले घटनालाई गम्भीर रूपमा लिएर अनुसन्धान अघि बढाएको जनाएको छ । शव पोस्टमार्टमका लागि अस्पतालमा राखिएको छ । प्रारम्भिक जानकारीअनुसार बालकका आमा–बुबाबीच विगत तीन वर्षदेखि पारिवारिक विवाद रहेको र बुबा वैदेशिक रोजगारीमा रहेका बेला आमा माइतीमा बस्दै आएकी थिइन् ।
-Recovered@1x_1-1792306880.jpg){kind=logo}
-Recovered@1x_1-1792308710.jpg){kind=logo}
