साउदी अरबको दक्षिणपूर्वी क्षेत्रमा रहेको साउदी अरामकोको शायबाह तेल क्षेत्रमा भएको ड्रोन आक्रमणसँग सम्बन्धित घटनामा एक नेपालीसहित दुई विदेशी नागरिकको मृत्यु भएको छ। घटनामा एक भारतीय र एक पाकिस्तानी नागरिक घाइते भएका छन् ।
संयुक्त अरब इमिरेट्स (युएई) को सीमाना नजिकै रहेको शायबाह तेल क्षेत्रमा ड्रोनका अवशेष खस्दा फिलिपिन्सका एक नागरिक र एक नेपाली नागरिकको ज्यान गएको हो ।
साउदी ऊर्जा मन्त्रालयका अनुसार ड्रोनका अवशेष खस्दा तेल क्षेत्रमा कार्यरत ठेकेदारको सवारीसाधनमा आगलागी भएको थियो। मन्त्रालयले घटनाको पुष्टि गरे पनि आक्रमणका लागि जिम्मेवार समूहको नाम भने सार्वजनिक गरेको छैन ।
यमनमा सक्रिय इरानसमर्थित हुथी विद्रोहीहरूले साउदी अरबका ऊर्जा पूर्वाधारलाई लक्षित गरी आक्रमण गर्दै आएका बेला यो घटना भएको हो। घटनाले खाडी क्षेत्रमा निर्माण, सेवा तथा ऊर्जा क्षेत्रमा कार्यरत नेपाली कामदारको सुरक्षा जोखिमलाई पुनः उजागर गरेको छ ।
घटनामा मृत्यु भएका नेपाली नागरिकको परिचय तथा शव स्वदेश फर्काउने प्रक्रियाबारे साउदी अधिकारीहरूले थप विवरण सार्वजनिक गर्न बाँकी छ ।
-Recovered@1x_1-1792308710.jpg){kind=logo}