पाकिस्तान सरकारले अप्रिल महिनादेखि निर्वासन अभियान पुनः सुरु गरेपछि दुई लाखभन्दा बढी अफगानी नागरिकले पाकिस्तान छोडेको इस्लामाबादको आन्तरिक मन्त्रालयले जनाएको छ ।
मन्त्रालयका अनुसार अप्रिल महिनामा १ लाख ३५ हजारभन्दा बढी अफगानी नागरिक पाकिस्तानबाट बाहिरिए भने मे महिनामा यो संख्या घटेर ६७ हजारमा झरेको छ । यस्तै, जुन महिनाको पहिलो दुई दिनमै ३ हजारभन्दा बढी अफगानी नागरिकलाई स्वदेश फिर्ता पठाइएको छ ।
लगातारको गृहयुद्ध र अस्थिरताको कारण लाखौँ अफगानी नागरिकले विगत केही दशकदेखि पाकिस्तानमा आप्रवासी र शरणार्थीको रूपमा आश्रय लिँदै आएका थिए। तर सन् २०२३ मा पाकिस्तान सरकारले जबरजस्ती स्वदेश फिर्ती अभियान सुरु गरेदेखि हालसम्म दश लाखभन्दा बढी अफगानी पाकिस्तान छोडिसकेका छन् ।
यसबीच, संयुक्त राष्ट्रसंघको आप्रवासनका लागि अन्तर्राष्ट्रिय सङ्गठन (IOM) ले मङ्गलबार जानकारी दिँदै इरानबाट पनि अफगान शरणार्थीहरू निर्वासित हुने क्रम तीव्र भएको बताएको छ। संगठनका अनुसार मे महिनामा मात्रै १५ हजार ६७५ अफगानी नागरिकले अफगान-इरान सीमा क्षेत्रमा नाम दर्ता गरेका थिए, जुन अघिल्लो महिनाको तुलनामा दोब्बरभन्दा बढी हो ।
-Recovered@1x_1-1792306880.jpg){kind=logo}
-Recovered@1x_1-1792308710.jpg){kind=logo}
