वीरगंज भन्सार कार्यालय हुँदै करिब डेढ महिनाको अवधिमा २ हजार १३६ वटा एलपी ग्यासका बुलेट नेपाल भित्रिएका छन् ।
पछिल्लो समय मध्यपूर्वका देशहरूमा देखिएको संकटका कारण नेपालसहित विभिन्न मुलुकमा एलपी ग्यासको अभाव देखिँदै आएको छ ।
भन्सार कार्यालयका अनुसार फागुन महिनामा मात्रै १ हजार ५६० वटा एलपी ग्यास बुलेट वीरगंज नाका हुँदै आयात भएका छन् ।
एकीकृत भन्सार जाँचचौकी व्यवस्थापन गर्दै आएको टिआरएस हिमायन लजी पार्क का अपरेसन हेड गणेश घिमिरे का अनुसार फागुनदेखि चैत १३ गतेसम्म २ हजार १३६ वटा बुलेट भित्रिएका हुन् ।
उनका अनुसार:
- माघ महिनामा १,४०३ बुलेट आयात
- फागुनमा १,५६० बुलेट आयात
- चैत १३ गतेसम्म ५७६ बुलेट आयात
वीरगंज भन्सार कार्यालयका अनुसार चालु आर्थिक वर्षको सात महिनामा यस नाका हुँदै २० अर्ब ८५ करोड रुपैयाँ बराबरको २० करोड २८ लाख २० हजार ९३२ किलो एलपी ग्यास आयात भएको छ ।
गत आर्थिक वर्षको सोही अवधिमा भने २४ अर्ब ६ करोड रुपैयाँ बराबरको २१ करोड ४२ हजार ७८१ किलो एलपी ग्यास आयात भएको थियो ।
यस तथ्यांकले चालु वर्षमा ग्यास आयातमा केही कमी आएको देखिए पनि पछिल्लो समय बढ्दो संकटका कारण आयात दर पुनः बढ्न थालेको संकेत गरेको छ ।
