काठमाडौं । चीनले रसुवागढी जोड्ने केरुङ नाका जाने स्थलमार्ग बुधबार बिहान १० बजेदेखि पूर्ण रूपमा पुनः सञ्चालनमा ल्याएको छ।
सडक सञ्चालनमा आएसँगै उद्धारकर्मी, राहत सामग्री, उद्धार उपकरण तथा भारी मेसिनरी विपद्को मुख्य प्रभावित क्षेत्रमा सडकमार्फत पुग्न सक्ने भएका छन्। यसले खोज तथा उद्धार कार्यलाई थप तीव्र बनाउन सहयोग पुग्ने चिनियाँ सञ्चारमाध्यमले जनाएका छन्।
चिनियाँ सरकारी सञ्चारमाध्यम सीसीटीभीका अनुसार पानीका कारण अवरुद्ध सडकको अन्तिम खण्डलाई अस्थायी रूपमा पुनः सञ्चालनमा ल्याइएको हो। सडक खुलेपछि भारी मेसिनरीसमेत प्रभावित क्षेत्रमा आवतजावत गर्न सक्ने भएको छ।
सडक खुलाउने काम विपद्को मुख्य प्रभावित क्षेत्रसम्म पुगेको बताइएको छ। प्रभावित क्षेत्रमा विभिन्न निकायबीच समन्वय गरी खोज तथा उद्धार कार्य जारी रहेको छ।
केरुङ नाकाको मुख्य विपद् प्रभावित क्षेत्रमा राष्ट्रिय राजमार्ग सफा गर्न प्रयोग भइरहेको भारी मेसिनरीसमेत चिनियाँतर्फको केरुङ नाका भवन रहेको मूल स्थाननजिकैसम्म पुगेको जनाइएको छ।
सडकमार्ग पुनः सञ्चालनमा आएसँगै प्रभावित क्षेत्रमा राहत, उद्धार सामग्री तथा आवश्यक उपकरण पुर्याउन सहज हुने अपेक्षा गरिएको छ।
-Recovered@1x_1-1792306880.jpg){kind=logo}
-Recovered@1x_1-1792308710.jpg){kind=logo}
