काठमाडौं । इजरायल र हमासबीचको युद्धविराम सम्झौता आजदेखि कार्यान्वयनमा आएको छ ।
इजरायलले शुक्रबार मन्त्रिपरिषदबाट सहमति अनुमोदन गरेपछि पहिलो चरणका प्रक्रिया अघि बढेको हो । सम्झौता अनुसार पहिलो चरणमा हमासले एक जना बन्धक रिहा गरेबापत इजरायलले ३० जना प्यालेस्टिनी कैदी रिहा गर्नुपर्नेछ । आइतबार (आज) हमासले तीन इजरायली महिलालाई बन्धनमुक्त गर्नेछ भने इजरायलले ९० जना प्यालेस्टिनी कैदी रिहा गर्नेछ ।
४२ दिनभित्र हमासले ३३ जना बन्धक रिहा गर्नुपर्नेछ। यदि सम्झौतामा तोकिएको व्यवस्था पालना भएन भने इजरायलले गाजामा पुनः आक्रमण गर्ने चेतावनी प्रधानमन्त्री बेन्यामिन नेतन्याहुले दिएका छन् । सम्झौताअनुसार दुबै पक्षबाट रिहा गरिने व्यक्तिहरूलाई रेडक्रसको सहयोगमा आफ्ना देश पुर्याइनेछ। हमासले नियन्त्रणमा लिएको एक इजरायली सैनिकलाई मुक्त गरेबापत इजरायलले ५० जना प्यालेस्टिनी कैदी रिहा गर्नेछ ।
सम्झौताको दोस्रो चरणमा ४ जना बन्धक रिहा गरेपछि इजरायलले थप कैदीहरू रिहा गर्नुपर्नेछ । ४२ दिनपछि दोस्रो चरणको युद्धविराम कार्यान्वयन भएमा गाजामा स्थायी शान्ति घोषणा गरिने र हमासले बाँकी रहेका बन्धकहरू रिहा गर्नेछ। यसपछि इजरायली सैनिक गाजा क्षेत्रबाट फर्किनेछन् ।
तेस्रो चरणमा गाजामा मारिएका इजरायली बन्धक र इजरायलमा मारिएका प्यालेस्टिनी लडाकुहरूको शव एक अर्कालाई फिर्ता गरिनेछ। त्यसपछि गाजामा पुनर्निर्माण योजना लागू गरी इजरायल र गाजाको सीमाना खुला गरिनेछ ।यसैबीच, हमासको नियन्त्रणमा रहेका नेपाली विद्यार्थी विपीन जोशी युद्धविरामको दोस्रो चरणमा रिहा हुने आशा गरिएको छ।
विदेशी नियोगका अनुसार विपीन जोशी सुरक्षित रहेको पुष्टि भएकाले दोस्रो चरणमा उनको रिहाइको सम्भावना रहेको छ ।
-Recovered@1x_1-1792306880.jpg){kind=logo}
-Recovered@1x_1-1792308710.jpg){kind=logo}
