वीरगंज । वीरगंज महानगरपालिका–स्थित माईस्थानमा कम्प्युटर शिक्षा तथा शैक्षिक परामर्श सेवा प्रदान गर्ने उद्देश्यले रिसेप नलेज एजुकेशन (Reshape Knowledge Education) सञ्चालनमा आएको छ ।
वीरगंजको गीतामन्दिर रोडस्थित महालक्ष्मी सहकारी नजिकै मुख्य कार्यालय रहेको रिसेप नलेज एजुकेशनकाे एक कार्यक्रमका बिच एनवाइईएफका अध्यक्ष चन्दन सिंहले रिविन काटेर उदघाटन गरेका थिए । विद्यार्थी तथा युवालाई लक्षित गर्दै कम्प्युटरसम्बन्धी विभिन्न सीपमूलक तालिमका साथै शैक्षिक परामर्श सेवा उपलब्ध गराउँने रिसेप नलेज एजुकेशनले जनाएको छ ।
संस्थाका सञ्चालक राहुल केवटका अनुसार प्रविधिको बढ्दो प्रयोगसँगै विद्यार्थी तथा युवामा कम्प्युटरसम्बन्धी व्यावहारिक ज्ञान र सीप आवश्यक हुँदै गएकोले गुणस्तरीय कम्प्युटर शिक्षा प्रदान गर्ने उद्देश्यले संस्था सञ्चालनमा ल्याइएको हो । संस्थाले कम्प्युटर शिक्षा, सीप विकास तथा शैक्षिक परामर्शमार्फत विद्यार्थीलाई अध्ययन तथा रोजगारीका लागि आवश्यक ज्ञान र जानकारी उपलब्ध गराउने लक्ष्य राखेको छ ।
वीरगञ्जमा पछिल्लो समय कम्प्युटर तथा प्रविधिसम्बन्धी सीप सिक्ने युवाको संख्या बढ्दै गएकाले स्थानीय स्तरमै गुणस्तरीय र व्यवहारिक शिक्षा प्रदान गर्ने प्रयास गरिएको सञ्चालक केवटले बताएका छन् ।रिसेप नलेज एजुकेशनको मुख्य कार्यालय वीरगञ्जको माइस्थान, गीतामन्दिर रोडस्थित महालक्ष्मी सहकारी नजिकै रहेको छ । संस्थाले कम्प्युटर शिक्षा र शैक्षिक परामर्शलाई आफ्नो मुख्य सेवाका रूपमा अघि बढाएको जनाएको छ ।
उदघाटन कार्यक्रममा प्रध्यापक अरविन्द श्रेष्ठ, वासु कर्ण लगातयकाे उपस्थिति रहेकाे थियाे ।
