महासप्तमीमा फूलपाती भित्र्याइयो, जिराभवानीमा व्रतालुलाई जुस र पानी वितरण

धर्म संस्कृति

गृहपृष्ठ
धर्म संस्कृति
महासप्तमीमा फूलपाती भित्र्याइयो, जिराभवानीमा व्रतालुलाई जुस र पानी वितरण

महासप्तमीमा फूलपाती भित्र्याइयो, जिराभवानीमा व्रतालुलाई जुस र पानी वितरण

वीरगंज सिटी शनिबार, असोज ३१, २०८३

बडादसैँको सातौँ दिन महासप्तमीका अवसरमा मधेश प्रदेशका विभिन्न शक्तिपीठमा परम्परागत विधिअनुसार हर्षोल्लासका साथ फूलपाती भित्र्याइएको छ । यसै अवसरमा पर्साको जिराभवानी गाउँपालिका–१ स्थित बलुवा र गढीमाई क्षेत्रमा व्रत बसेका श्रद्धालुहरूलाई जुस तथा पिउने पानी वितरण गरिएको छ ।
युवा व्यवसायी तथा समाजसेवी उमेश महतो र पकडीटोल युवा समाजले छुट्टाछुट्टै रूपमा व्रतालु तथा श्रद्धालुहरूलाई जुस, फ्रुटी र पानी वितरण गरेका हुन् । नवरात्रका बेला पूजापाठ तथा व्रतमा सहभागी भक्तजनलाई सहजता प्रदान गर्ने उद्देश्यले उक्त सामग्री वितरण गरिएको हो ।
दसैँको नवरात्रमा विभिन्न शक्तिपीठ तथा देवी मन्दिरमा भक्तजनको चहलपहल बढ्ने गरेको छ । महासप्तमीका दिन फूलपाती भित्र्याउने परम्परासँगै धार्मिक स्थलहरूमा पूजापाठ र दर्शनका लागि श्रद्धालुहरूको उपस्थिति बढेको छ ।
चाडपर्वका अवसरमा धार्मिक गतिविधिसँगै सञ्चालन गरिने यस्ता सहयोगका कार्यक्रमले सामाजिक सद्भाव, सहकार्य र सेवाभावलाई प्रोत्साहन गर्ने अपेक्षा गरिएको छ ।

प्रकाशित मिति: शनिबार, असोज ३१, २०८३ १९:३२

वीरगंज सिटीमा प्रकाशित सामग्रीबारे कुनै पनि प्रतिक्रिया, सल्लाह–सुझाव वा कुनै सामग्री प्रकाशित गराउनुपरेमा [email protected] वा [email protected] मा पठाउन सक्नुहुनेछ।