विगत आठ वर्षदेखि पत्रकारिता क्षेत्रमा सक्रिय पत्रकार दिनेश मिश्र वीरगंज सिटीमा कार्यक्रम प्रस्तोताका रूपमा आबद्ध भएका छन् ।
सामाजिक सरोकारका विषयलाई समाचार मार्फत उजागर गर्नुका साथै पीडित तथा आर्थिक अभावमा परेका व्यक्तिहरूलाई सहयोग जुटाउन पहल गर्दै आएका मिश्रलाई वीरगंज सिटीले स्वागत गरेको हो ।
मिश्रले अभितक मिडिया मार्फत पीडित, विपन्न तथा आर्थिक अभावमा परेका व्यक्तिहरूलाई सहयोग जुटाउन महत्त्वपूर्ण भूमिका निर्वाह गर्दै आएका थिए । उनलेे पत्रकारितालाई सूचना प्रवाहमा मात्र सीमित नराखी सामाजिक सेवा समेत जोड्दै आएका छन् । पत्रकार मिश्रले मिर्गौला फेल भएका शिक्षक उमेश पटेलको उपचारका लागि सामाजिक सञ्जालमार्फत १२ लाख रुपैयाँभन्दा बढी सहयोग जुटाउन सफल भएका थिए ।
त्यसैगरी, एक रुपैयाँ मै विद्यार्थीलाई पढाउँदै आएका शिक्षकको उपचारका लागि प्रधानमन्त्री कार्यालयको ध्यानाकर्षण गराउँदै सहयोग जुटाउन पहल गरेका थिए । आर्थिक अभावका कारण मलेसियामा कैदी जीवन बिताउन बाध्य जयनारायण सहनीको विषयलाई समेत उनले समाचार मार्फत उजागर गरेका थिए । मिश्रको पहलमा प्रवासमा रहेका नेपालीहरूको सहयोग जुटेपछि सहनी कैदमुक्त भई नेपाल फर्किन सफल भएका थिए ।
पत्रकारिता मार्फत समाजका समस्यालाई उजागर गर्नुका साथै असहाय र पीडितलाई सहयोग जुटाउन मिश्रले निर्वाह गरेको भूमिकाबारे वीरगंज सिटीका सञ्चालक पत्रकार जियालाल साहले जानकारी गराएका थिए ।
मिश्रलाई वीरगंज सिटीका प्रधान सम्पादक जितेन्द्र साहले खादा लगाएर स्वागत गरेका थिए । उनको आगमनसँगै वीरगंज सिटीका कार्यक्रमहरूलाई थप प्रभावकारी बनाउँदै जनसरोकारका विषयलाई प्राथमिकताका साथ उठान गर्ने वीरगंज सिटी अपेक्षा रहेको छ ।
सामाजिक दायित्वसहितको पत्रकारितामा सक्रिय मिश्रको अनुभवले वीरगंज सिटीकाे कार्यक्रम मार्फत जनताका समस्या, गुनासो र सरोकारलाई थप सशक्त रूपमा प्रस्तुत गर्न मदत पुग्ने प्रधान सम्पादक जितेन्द्र साहले विश्वास व्यक्तलगरेका थिए ।
