काठमाडौं । काठमाडौं महानगरपालिकाका मेयर बालेन शाहले तीन महिनादेखि तलब नपाएपछि समाजिक सञ्जालमा आगो उक्लेका छन् ।
खासगरी आज विद्युत प्रधिकरणका कार्यकारी निर्देशकलाई हटाएपछि अहिले उनको आकोशपुर्ण अभिव्यक्ति आएको हो । काठमाडौँ महानगरपालिकाको सरसफाई कर्मचारीहरू तीन महिनादेखि तलब नपाएपछि आक्रोशित भएका मेयर बालेन शाहले आफ्ना कर्मचारीहरूको यथाशीघ्र समस्या समाधान नभए कडा कदम चाल्ने चेतावनी मेयर बालेन शाहले दिएका छन् ।
सरसफाई कर्मचारीहरूले पछिल्लो तीन महिनादेखि तलब नपाउँदा घर खर्च चलाउन कठिन भएको गुनासो गर्दै आएका छन् । तलब रोकिँदा उनीहरू समस्यामा परेका छन् भने कतिपयले बैंक तथा सहकारीमा ऋण लिने अवस्थामा पुगेका छन् । कुन कुन तन्त्र भनेर मनमौजि गरिरहेको सरकारको रवैया प्रति असन्तुष्टि जनाउँदै चेतावनीको भाषामा मेयर शाहले “अबको एक हप्ताभित्र हाम्रो कर्मचारीले तलब पाएन भने सबैलाई टुकुचामा गाड्छु। त्यसपछि हेरौँला तिमीहरूको के-के तन्त्र हो!”
तलब अभावले प्रभावित भएका कर्मचारीहरू आन्दोलित हुने तयारीमा रहेका छन् । बालेन शाहको कडा चेतावनीपछि सामाजिक सञ्जालमा यस विषयले व्यापक चासो पाएको छ । केहीले शाहको शैलीलाई समर्थन गरेका छन् भने केहीले आलोचना गर्दै समस्याको समाधान संयमित र संवादमार्फत खोजिनुपर्नेमा बताएका छन् ।
मेयरको शाहको स्टाटस
