नेपाल प्रिमियर लिग (एनपीएल) अन्तर्गत काठमाडौं गोर्खाजले पहिलो जित दर्ता गरेको छ । कीर्तिपुरस्थित त्रिवि क्रिकेट मैदानमा भर्खरै सम्पन्न खेलमा काठमाडौंले कर्णाली याक्सलाई ४ विकेटले पराजित गरेको हो ।
कर्णालीले दिएको १८१ रनको लक्ष्य काठमाडौंले १९.४ ओभरमा ६ विकेट गुमाएर पूरा गर्यो । यससँगै काठमाडौंले प्रतियोगितामा पहिलो जित निकाल्दा कर्णालीले पहिलो हार बेहोरेको छ ।
काठमाडौंको जितमा राशिद खानले सर्वाधिक ५० रनको अर्धशतकीय पारी खेले । करण केसीले ४४, आदिल आलमले २० तथा डेभिड वार्नरले १६ रन बनाए । त्यस्तै जहानदाद खानले अविजित २२ रनको योगदान दिए । काठमाडौंले अतिरिक्त १० रन प्राप्त गरेको थियो ।
बलिङतर्फ कर्णालीका सोमपाल कामी र हुसेन तलतले दुई–दुई विकेट लिए भने नन्दन यादव र मार्क वाटले एक–एक विकेट हात पारे ।
यसअघि टस हारेर पहिले ब्याटिङ गरेको कर्णाली याक्सले निर्धारित २० ओभरमा ६ विकेट गुमाउँदै १८० रन बनाएको थियो ।
कर्णालीका लागि अरिफुल इस्लामले सर्वाधिक ४४ रन बनाए । २१ बलको सामना गरेका उनले पाँच चौका र तीन छक्का प्रहार गरे । त्यस्तै हुसेन तलतले ४० रन जोडे ।
गुलशन झाले आक्रामक ब्याटिङ गर्दै ११ बलमा २० रन बनाए भने मार्क वाटले १७ रनको योगदान दिए । पवन सर्राफ ३० बलमा अविजित रहे । कर्णालीले अतिरिक्त १३ रन प्राप्त गरेको थियो ।
काठमाडौंका लागि करण केसीले सर्वाधिक दुई विकेट लिए । शाह आलम, देव शाह, सन्तोष यादव र जहानदाद खानले एक–एक विकेट हात पारे ।
यस जितसँगै काठमाडौं गोर्खाजले एनपीएलमा आफ्नो जितको खाता खोलेको छ भने कर्णाली याक्सले प्रतियोगितामा पहिलो हार व्यहोरेको छ ।
