नेपाल–भारत खुला सीमामा बढ्दो घुसपैठ, अवैध ओसारपसार, मानव तस्करी र संगठित आपराधिक गतिविधि नियन्त्रणका लागि जेन जी युवा समूहले पर्सा जिल्ला प्रशासन कार्यालयमा ज्ञापनपत्र बुझाएको छ ।
खुला सीमाको दुरुपयोगले देशभर राष्ट्रिय सुरक्षा, सामाजिक सद्भाव र कानून–व्यवस्थामा प्रत्यक्ष असर पारेको उल्लेख गर्दै तत्काल र प्रभावकारी कदम चाल्न आग्रह गरेको छ ।
ज्ञापनपत्रमा यस्ताे छ, समावेश भएका मुख्य बुदांहरू
- सीमा क्षेत्रमा अनियन्त्रित प्रवेश रोक्न कडाइ र सुरक्षा सुनिश्चित गर्न ।
- सीमावर्ती नाकामा सुरक्षित आवागमनको लागि Verification Desk स्थापना ।
- शंकास्पद व्यक्तिहरूको पहिचान, कागजात प्रमाणीकरण र उद्देश्य पुष्टि।
- सीमा क्षेत्रमा ड्रोन मोनिटरिङसहित डिजिटल निगरानी ।
- स्थानीय समुदाय, सुरक्षा समिति र जनप्रतिनिधिबीच समन्वय र सतर्कता ।
- घुसपैठ र अवैध गतिविधिविरुद्ध Zero Tolerance नीति लागू ।
- सीमामा हुने अवैध कारोबार, तस्करी नियन्त्रणका विशेष अभियान ।
- नेपाल–भारत सुरक्षा निकायबीच नियमित संयुक्त गस्ती र अनुगमन ।
ज्ञापनपत्रमा भनिएको छ, खुला सीमा विकास, व्यापार र मानवीय सम्बन्धका लागि हो; दुरुपयोग गर्ने अपराधीका लागि होइन ।
समूहले सीमा क्षेत्रमा अवैध प्रवेश, आपराधिक गतिविधिमा संलग्न समूहको बसाइ, अवैध बसोबास, साम्प्रदायिक तनाव र अवैध वित्तीय कारोबार जस्ता गतिविधि बढ्दो खतरा भएकाले सुरक्षा संयन्त्र सुदृढीकरण, तस्करी नियन्त्रण र प्रविधिमैत्री सुरक्षा व्यवस्था तत्काल लागू गर्नुपर्ने माग गरिएकाे छ ।
यसका साथै, समूहले निर्वाचन नजिकिँदै गर्दा जिम्मेवारी थप बढ्ने भएकाले नागरिक सुरक्षा र राष्ट्रिय स्वाभिमान सर्वोपरि राखी स्थानीय, जिल्ला, प्रदेश र केन्द्र सरकारसँग निरन्तर निगरानी र दबाब सिर्जना गर्ने प्रतिबद्धता व्यक्त गरेको छ ।
