दीपेन्द्रसिंह ऐरी को उत्कृष्ट अर्धशतकको मद्दतमा नेपाल राष्ट्रिय क्रिकेट टोली ले आईसीसी पुरुष टी–२० विश्वकप अन्तर्गतको खेलमा स्कटल्यान्ड राष्ट्रिय क्रिकेट टोली लाई ७ विकेटले पराजित गरेको छ ।
दीपेन्द्रले लगातार दोस्रो खेलमा पनि ५० भन्दा माथि रन बनाउँदै टोलीलाई जित दिलाए । नेपालले १७१ रनको लक्ष्य अन्तिम ओभरमा ४ बल बाँकी छँदै पूरा गरेको हो ।
यो जितसँगै नेपालले १२ वर्षपछि विश्वकपमा खेल जितेको हो । तेस्रो पटक विश्वकपमा सहभागी नेपालले प्रतियोगितामा कूल तेस्रो जित हात पारेको हो । यसअघि सन् २०१४ मा चित्तागोङ मा अफगानिस्तान राष्ट्रिय क्रिकेट टोली लाई हराएपछि नेपालले विश्वकपमा जित निकाल्न सकेको थिएन ।
यस विश्वकपमा नेपाल इंग्ल्यान्ड राष्ट्रिय क्रिकेट टोली सँग ४ रन, इटाली राष्ट्रिय क्रिकेट टोली सँग १० विकेट र वेस्ट इन्डिज राष्ट्रिय क्रिकेट टोली सँग ९ विकेटले पराजित भएको थियो । लगातार तीन खेल हारसँगै नेपाल यसअघि नै दोस्रो चरणको दौडबाट बाहिरिएको थियो ।
मुम्बई स्थित वानखेडे रंगशाला मा भएको अन्तिम खेलमा स्कटल्यान्डलाई हराउँदै नेपालले सान्त्वना जित निकालेको हो ।
दीपेन्द्रले २३ बलमा ५० रन बनाएका थिए। त्यसअघि स्कटल्यान्डका ओपनर माइकल जोन्स ले ७१ रन बनाएपछि स्कटल्यान्डले नेपाललाई १७१ रनको लक्ष्य दिएको थियो । स्कटल्यान्डले निर्धारित २० ओभरमा ७ विकेट गुमाउँदै १७० रन बनाएको थियो ।
जितपछि नेपालका कप्तान रोहितकुमार पौडेल ले प्रतियोगितामा महत्वपूर्ण अनुभव बटुलेको र यसले विश्व क्रिकेटमा नेपाललाई चिनाउने अवसर दिएको बताएका छन् ।
आज पनि विश्वकपअन्तर्गत तीन खेल हुँदैछन् । पहिलो खेल बिहान ११:१५ बजे समूह ‘डी’ अन्तर्गत दक्षिण अफ्रिका राष्ट्रिय क्रिकेट टोली र युएई राष्ट्रिय क्रिकेट टोली बीच दिल्ली स्थित अरुण जेट्ली स्टेडियम मा हुनेछ ।
त्यस्तै, दिउँसो ३:१५ बजे कोलम्बो मा समूह ‘ए’ अन्तर्गत पाकिस्तान राष्ट्रिय क्रिकेट टोली र नामिबिया राष्ट्रिय क्रिकेट टोली भिड्नेछन् ।
यसैगरी बेलुका ७:१५ बजे भारत राष्ट्रिय क्रिकेट टोली र नेदरल्याण्ड्स राष्ट्रिय क्रिकेट टोली बीचको खेल अहमदाबाद मा हुनेछ ।
.jpg-2-1769587845.jpg)
