Rastriya Swatantra Party (रास्वपा) ले आफ्ना सांसदहरूलाई विभिन्न मन्त्रालयमा खटाउने तयारी गरेको छ । विषयगत विज्ञता भएका सांसदलाई सम्बन्धित मन्त्रालयमा परिचालन गर्ने योजना बनाइएको हो ।
पार्टीका प्रवक्ता Manish Jha का अनुसार हाल यसबारे गृहकार्य भइरहेको छ । “तयारी भइरहेको हो, खटाइसकेको छैन,” उनले बताए ।
रास्वपाले सांसदलाई भविष्यका सम्भावित मन्त्रीका रूपमा हेर्दै उनीहरूको क्षमता अभिवृद्धि गर्ने उद्देश्यले मन्त्रालयमा खटाउने निर्णय गरेको जनाएको छ । “सांसद भनेको भविष्यको मन्त्रीसमेत हो, यसले उनीहरूलाई प्रशिक्षणको अवसर दिन्छ,” झाले भने ।
केही सांसदहरू भने यसअघि नै आफ्नो विज्ञता अनुसारका मन्त्रालयमा गएर मन्त्रीलाई सहयोग गर्दै आएका छन् । जनभावना अनुसार छिटो र प्रभावकारी काम गर्न सहयोग पुर्याउने उद्देश्यले यो अवधारणा अघि सारिएको पार्टीको भनाइ छ ।
प्रवक्ता झाका अनुसार सांसदसँगै पार्टीका केन्द्रीय विभागका सदस्यहरूलाई पनि मन्त्रालयमा खटाउने तयारी भइरहेको छ ।
गत २१ फागुनमा सम्पन्न चुनावमा रास्वपाले उल्लेखनीय मत प्राप्त गर्दै सरकार गठन गरेको थियो। १३ चैतमा Balen Shah (बालेन्द्र शाह) को नेतृत्वमा सरकार गठन भएको हो ।
यसैबीच, प्रधानमन्त्री शाहले सबै दलका सांसदहरूलाई Singha Durbar मा बोलाएर छलफल सुरु गरेका छन् । हिजो मन्त्रीहरूसँग छलफल गरेका उनले आज प्रदेशगत रूपमा सांसदहरूसँग छुट्टाछुट्टै बैठक गरिरहेका छन् ।
-1772177803.jpg)
