प्रतिनिधिसभाका विषयगत समितिका सभापतिहरूको निर्वाचन आगामी वैशाख ४ गते हुने भएको छ ।
शुक्रबार बसेको प्रतिनिधिसभा बैठकमा सभामुख डीपी अर्यालले विषयगत समितिका सभापति निर्वाचन वैशाख ४ गते गर्ने निर्णय भएको जानकारी दिएका हुन् ।
बैठकमा विषयगत समितिका सदस्यहरूको नामसमेत प्रस्ताव गरिएको थियो, जसलाई बैठकले सर्वसम्मत रूपमा अनुमोदन गरेको छ ।
प्रतिनिधिसभामा हाल १० वटा विषयगत समिति रहेका छन् । यी समितिहरूले विधेयक अध्ययन, नीति निर्माण तथा सरकारको कामकारबाही निगरानी गर्ने महत्वपूर्ण जिम्मेवारी निर्वाह गर्नेछन् ।
