राष्ट्रिय स्वतन्त्र पार्टीका सह–महामन्त्री तथा प्रतिनिधिसभा सदस्य पुरुषोतम यादवले सुशासनको जगमा नै शान्ति र समृद्धि ल्याउन सरकार कटिबद्ध रहेको बताउनुभएको छ ।
सिरहा नगरपालिका–१९ सनहैठामा सल्लाह सुझाव सङ्कलन कार्यक्रमलाई सम्बोधन गर्दै उहाँले यस्तो बताउनुभएको हो । उहाँले भन्नुभयो, ‘वर्तमान सरकारले सुशासनको जग मजबुत गरेर मात्रै शान्ति र समृद्धि सम्भव हुने मान्यतामा टेकेर काम गरिरहेको छ ।’
हरेक गाउँ टोल पुगेर स्थानीय जनताको समस्या समाधान गर्न र सुझाव लिन रास्वपा सक्रिय भएको उहाँको भनाइ छ ।
‘मधेशको आठ वटै प्रदेशमा शिक्षा स्वास्थ्य सडक सञ्जाल, कृषि, धार्मिक पर्यटकीयस्थलको विकास र सामाजिक न्याय सन्तुलित रूपमा हुन नसकेको जनस्तररबाट आएका सुझावहरूलाई समेटेर अघि बढ्ने छौ,’ उहाँले भन्नुभयो, ‘स्थानीय तहको निर्वाचनमा सुशासन कायम गरेर विकास गर्न सकिने उम्मेदवारको चयन गर्नेछौ ।’
वर्तमान सरकारलाई गल्ती गर्ने कुनै छुट नरहेकोले सरकारलाई नागरिकले सचेत गराउनुपर्ने उहाँको तर्क छ ।
