ठूलो आवाजमा डिजे बजाएर सार्वजनिक स्थलमा होहल्ला गर्नुका साथै शान्ति सुरक्षामा खलल पुर्याएको आरोपमा पर्सा प्रहरीले पाँच जनालाई पक्राउ गरेको छ ।
जिल्ला प्रहरी कार्यालय पर्साका अनुसार २०८३ कात्तिक ३० गते राति करिब ११ः३० बजे वीरगंज महानगरपालिका–१७ स्थित बर्वा तिलावे पुलनजिकको छठघाटमा ठूलो आवाजमा डिजे बजाएर होहल्ला गरिरहेको अवस्थामा उनीहरूलाई नियन्त्रणमा लिइएको हो ।
पक्राउ पर्नेमा वीरगंज महानगरपालिका–२५ निवासी २२ वर्षीय रोशन पटेल र २५ वर्षीय चन्दन पटेल, वीरगंज महानगरपालिका–१० निवासी २७ वर्षीय पृथ्वी कार्की, बाराको प्रसौनी गाउँपालिका–३ निवासी ३५ वर्षीय दिनेश पटेल तथा वडा नम्बर २ निवासी २८ वर्षीय मञ्जुर हवारी रहेका छन् ।
प्रहरीले उनीहरूलाई नियन्त्रणमा लिएर आवश्यक कानुनी प्रक्रिया अगाडि बढाउनुका साथै घटनाबारे थप अनुसन्धान गरिरहेको जनाएको छ ।
जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक चक्रबहादुर मल्लले सार्वजनिक स्थलमा अशान्ति फैलाउने, ध्वनि प्रदूषण गर्ने तथा शान्ति सुरक्षामा खलल पुर्याउने गतिविधि नियन्त्रण गर्न प्रहरी सक्रिय रहेको बताएका छन् ।