प्रहरीले वीरगंजबाट भन्सार छली गरी भारतबाट भित्र्याइएका करिब १० लाख रुपैयाँ बराबरका लत्ताकपडा तथा तरकारी बरामद गरेको छ ।
जिल्ला प्रहरी कार्यालय पर्साका अनुसार बिहीबार वीरगंज महानगरपालिका–१६ स्थित इनर्वागाउँबाट ९ लाख ५३ हजार ३४५ रुपैयाँ बराबरका विभिन्न प्रकारका लत्ताकपडा बरामद गरिएको हो । भारतबाट भन्सार छली चोरी पैठारी गरी ल्याइएका ती कपडा प्रहरीले नियन्त्रणमा लिएको जनाएको छ ।
त्यसैगरी, शुक्रबार सोही वडाको रजतजयन्ती चोकबाट भन्सार छली गरी ल्याउँदै गरेको २३ हजार ४८५ रुपैयाँ बराबरका तरकारी बरामद गरिएको प्रहरीले जनाएको छ ।
प्रहरीका अनुसार दुई दिनको अवधिमा कुल ९ लाख ७६ हजार ८३० रुपैयाँ बराबरका लत्ताकपडा तथा तरकारी नियन्त्रणमा लिइएको हो ।
बरामद गरिएका सामान आवश्यक कारबाहीका लागि शुक्रबार वीरगंज भन्सार कार्यालयमा बुझाइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक चक्रबहादुर मल्लले जानकारी दिए ।