काठमाडौं । राष्ट्रिय प्रजातन्त्र पार्टी (राप्रपा) ले राजसंस्था पुनःस्थापनाका लागि वैशाख ७ गतेदेखि काठमाडौं केन्द्रित आन्दोलन गर्ने घोषणा गरेको छ ।
राप्रपा अध्यक्ष राजेन्द्र लिङ्देनका अनुसार पार्टीले राजसंस्थाको पुनःस्थापना र हिन्दू राष्ट्र कायम गर्ने मागसहित चरणबद्ध आन्दोलनको तयारी गरिरहेको छ ।
त्यसैगरी, लिङ्देनले चैत १५ गते काठमाडौंमा दुर्गा प्रसाईंले आयोजना गरेको कार्यक्रममा राप्रपाको सहभागिता रहने जानकारी दिए। उनले भने, ‘राजसंस्था पुनःस्थापनाका लागि हुने हरेक आन्दोलनमा राप्रपा सहभागी हुन्छ ।’
राप्रपाले विभिन्न चरणमा संघर्षका कार्यक्रम सार्वजनिक गर्दै आएको छ। पार्टी नेतृत्वले आन्दोलनलाई निरन्तरता दिने र जनस्तरबाट समेत समर्थन जुटाउने रणनीति बनाएको बताइएको छ ।
