पर्साको वीरगंज महानगरपालिका–१६ स्थित रजतजयन्ती चोकबाट प्रहरीले अवैध लागूऔषध ब्राउनसुगरजस्तो देखिने पदार्थसहित एक युवकलाई पक्राउ गरेको छ ।
पक्राउ पर्नेमा वीरगंज महानगरपालिका–२ छपकैया निवासी १९ वर्षीय सुजित यादव रहेका छन् ।
प्रहरीका अनुसार सोमबार साँझ भारतबाट नेपालतर्फ पैदल आउँदै गरेका यादवलाई प्रहरी चौकी इनर्वासमेतबाट खटिएको टोलीले जाँच गर्ने क्रममा ७ सय ९० मिलिग्राम ब्राउनसुगरजस्तो देखिने पदार्थसहित नियन्त्रणमा लिएको हो ।
