बलिउड अभिनेता सलमान खानको नयाँ फिल्म ‘सिकन्दर’ ले भारतीय बक्स अफिसमा कमजोर कमाइ गरेको छ । फिल्मले पहिलो दिन २६ करोड भारूको ओपनिङ गरे पनि मिश्रित प्रतिक्रिया पाइरहेको छ ।
फिल्मको समीक्षा र दर्शकको प्रतिक्रियाले गर्दा केही स्थानमा शो रद्द गर्नुपरेको भारतीय सञ्चारमाध्यम टाइम्स अफ इन्डियाले जनाएको छ । भारतको सूरत, अहमदाबाद, भोपाल, इन्दौर लगायतका सहरमा फिल्मको शो रद्द गरिएको छ, भने जी ७ मल्टिप्लेक्स गेयटी ग्यालेक्सी मा भने शोहरू बढाइएको छ ।
फिल्मले विश्वभर दुई दिनमै १०५ करोड ८९ लाख भारू को कमाइ गरेको छ। एआर मुरुगादास निर्देशित फिल्ममा सलमान खान र रश्मिका मन्दनाले मुख्य भूमिका निभाएका छन् । फिल्ममा देखाइएको उनीहरूको केमेस्ट्री दर्शकलाई मन परेको छ ।
फिल्मको प्रदर्शन केही स्थानमा कमजोर देखिए पनि समग्रमा यसको कमाइमा सुधार हुने अपेक्षा गरिएको छ ।
